تازيون خبرون

Daily Archives: September 29, 2014

عدالتون حڪومت خلاف ڪنهن سازش ۾ ملوث ناهن: وزيراعظم

لنڊن (م.ڊ) وزيراعظم محمد نوازشريف چيو آهي ته اسان جلسا ناهن ڪيا جڏهن ڪيا سين ته خبر پئجي ويندي منهنجو خيال نه آهي ته عدالتون حڪومت جي خلاف ڪنهن سازش ۾ ملوث آهن پوري قوم ۽ پارليمينٽ هڪ پاسي ۽ اڱرين تي ڳڻڻ جيترا ماڻهو ٻئي پاسي آهن اقوام متحده جي جنرل اسيمبلي ۾ تقرير ۾ پاڪستاني ۽ ڪشميري عوام جي جذبن جي ترجماني هئي چونڊ عمل ۾ ڪمزوريون حل ڪرڻ اسان جي منشور جو حصو آهي منفي گيم کيڏندڙن بابت ڪجهه نٿو چوڻ چاهيان سومر تي هتي ايئرپورٽ تي ميڊيا سان ڳالهائندي وزيراعظم نوازشريف چيو ته اسان جلسا ناهن ڪيا جڏهن ڪنداسين ته خبر پئجي ويندي. هڪ سوال جي جواب ۾ وزيراعظم چيو ته اسان به مڃون ٿا ته نظام ۾ خرابيون آهن ۽ اهي درست ڪرڻ اسان جي ايجنڊا ۾ شامل هو اسان پنهنجي منشور مطابق نظام ۾ خرابيون دور ڪري رهيا آهيون ۽ ڪنداسين چونڊ عمل ۾ ڪمزوريون حل ڪرڻ اسان جي منشور جو حصو آهي اسان پنهنجي دور ۾ چونڊ عمل کي بهتر ڪرڻ جي ڪوشش ڪري رهيا آهيون. هڪ ٻئي سوال جي جواب ۾ وزيراعظم چيو ته ڌرڻي وارا جڏهن لاهور کان اسلام آباد طرف اچڻ لڳا ان وقت لاهور هاءِ ڪورٽ ڪهڙو فيصلو ڏنو هو هي سڀني جي سامهون آهي ۽ جڏهن ڌرڻن وارا ريڊ زون ۾ داخل ٿيا تڏهن به عدالت آبزرويشن ڏني هئي اها به سڀني جي آڏو آهي هن چيو ته منهنجو خيال نه آهي ته عدالتون حڪومت جي خلاف ڪنهن سازش ۾ ملوث آهن.

 

پ پ پاران 18 آڪٽوبر تي ڪراچي ۾ جلسو ڪرڻ جو اعلان, ، 18 اڪٽوبر تي خبر پئجي ويندي ته عوام ڪنهن سان گڏ آهي: بلاول ڀٽو زرداري

ڪراچي(اسٽاف رپورٽر) پيپلز پارٽي 18 آڪٽوبر تي عوامي طاقت جو مظاهرو ڪرڻ لاءِ ڪراچي ۾ جلسي ڪرڻ جو اعلان ڪري ڇڏيو، ڪور ڪميٽي جي اجلاس ۾ گلگلت سميت چئني صوبن ۾ عوامي رابطا مهم هلائڻ جو فيصلو ڪيو ويو آهي، پارٽي چيئرمين بلاول ڀٽو زرداري چيو آهي ته 18 آڪٽوبر تي خبر پئجي ويندي ته عوام ڪنهن سان گڏ آهي. بلاول هائوس ڪراچي ۾ پيپلز پارٽي جي ڪور ڪميٽي جو اجلاس پارٽي چيئرمين بلاول ڀٽو زرداري ۽ شريڪ چيئرمين آصف زرداري جي صدارت هيٺ ٿيو، جنهن ۾ اڳوڻي وزيراعظم يوسف رضا گيلاني، راجه پرويز اشرف، قمرالزمان ڪائره، خورشيد شاهه، رحمان ملڪ ۽ ٻين اڳواڻن شرڪت ڪئي. اجلاس دوران 18 آڪٽوبر تي ڪراچي جي مزار قائد وٽ عوامي طاقت جو مظاهرو ڪرڻ لاءِ جلسي ڪرڻ جو اعلان ڪيو ويو، جنهن ۾ چئني صوبن جي پارٽي اڳواڻن کي ڪارڪنن سميت شرڪت جون هدايتون ڪيون ويون. اجلاس دوران گلگلت سميت چئني صوبن ۾ عوامي رابطا مهم هلائڻ جو فيصلو ڪندي پارٽي چيئرمين بلاول ڀٽو زرداري پارٽي اڳواڻن کي رابطا مهم جو شيڊول تيار ڪرڻ جي هدايت ڪئي. اجلاس دوران ڳالهائيندي پارٽي چيئرمين بلاول ڀٽو زرداري چيو ته 18 آڪٽوبر تي خبر پئجي ويندي ته عوام ڪنهن سان گڏ آهي، شهيد بينظير ڀٽو کين ٻڌائي وئي آهي ته جمهوريت ئي بهترين انتقام آهي، پيپلزپارٽي جي سينيئر اڳواڻ يوسف رضا گيلاني چيو آهي ته 18 آڪٽوبر تي بلاول ڀٽو زرداري ڪراچي ۾ تاريخي جلسو ڪري پنهنجي سياسي ڪيريئر جي شروعات ڪندو، پيپلزپارٽجمهوريت جي جنگ وڙهي رهي آهي، ملڪ جي بقا ۽ جمهوريت لاءِ پ پ هميشه پنهنجو ڪردار ادا ڪندي رهندي.. پ پ ميڊيا سيل ڪراچي تي پ پ جي ڪور ڪميٽي جي اجلاس کانپوءِ ميڊيا کي بريفنگ ڏيندي اڳوڻي وزيراعظم يوسف رضا گيلاني چيو ته 18 آڪٽوبر تي قائداعظم جي مزار آڏو جلسو ڪري عوامي طاقت جو مظاهرو ڪيو ويندو، بلاول ڀٽو جلسو ڪري جمهوريت، ملڪي سلامتي، ادارن جي مضبوطي ۽ نوجوان نسل جي حقن لاءِ جدوجهد جي شروعات ڪندو. يوسف رضا گيلاني چيو ته پيپلزپارٽي پارليامينٽ ۾ اپوزيشن طور بهترين نموني ڪردار ادا ڪري رهي آهي، عوامي مسئلن جي حل لاءِ بلاول ڀٽو زرداري ميدان ۾ نڪتو آهي، پارٽي جا عهديدار ۽ ڪارڪن مايوس ٿيڻ بجاءِ بلاول ڀٽو زرداري جو ڀرپور نموني ساٿ ڏين.ان موقعي تي اڳوڻي وزيراعظم راجا پرويز اشرف چيو ته 18 آڪٽوبر ملڪ جي تاريخ جو ڪارو ڏينهن آهي، ان ڏينهن تي ڪارساز ويجهو محترمه بينظير ڀٽو جي قافلي تي حملو ڪري ڪيترن ئي ڪارڪنن کي شهيد ڪيو ويو هو. هن چيو ته بلاول ڀٽو زرداري 18 هين آڪٽوبر تي جلسو ڪري شهيدن جي مشن کي اڳتي وڌائڻ چاهي ٿو، ڪراچي ۾ رٿيل جلسو تاريخي هوندو. راجا پرويزاشرف جو چوڻ آهي ته هر ڀيري عام چونڊن ۾ پ پ خلاف سازشون ٿينديون رهيون آهن، پ پ جا ڪارڪن اهڙين سازشن کي هاڻي ناڪام بڻائي ڇڏيندا. هن چيو ته پنجاب ۾ پ پ اڪثريت سان موجود آهي، جاويد هاشمي جي ننڍي چونڊ ۾ حمايت ناهي ڪئي، اهو پي ٽي آءِ جو صدر هئڻ باوجود آزاد اميدوار جي حيثيت سان چونڊ وڙهي رهيو آهي، پ پ طرفان جاويد صديقي کي اميدوار بيهاريو ويو آهي.ان موقعي تي قومي اسيمبلي ۾ مخالف ڌر جو اڳواڻ سيد خورشيد شاهه، قمرالزمان قائره، وڏو وزير سيد قائم علي شاهه، منظور وٽو، آزاد ڪشمير جي وزيراعظم چوڌري عبدالمجيد سميت پ پ جا ٻيا مرڪزي اڳواڻ پڻ موجود هئا.

نيول چيف پاران جي ايڇ ڪيو جو الوداعي دورو، آرمي چيف سان ملاقات

راولپنڊي (م.ڊ) چيف آف آرمي اسٽاف جنرل راحيل شريف سان پاڪ نيوي چيف ايڊمرل آصف سنڌيلا ملاقات ڪئي جنهن ۾ گڏيل دلچسپي جي معاملن تي ويچاريو ويو. سومر ڏينهن آءِ ايس پي آر موجب پاڪ نيوي جي سربراهه آصف سنڌيلا جي ايڇ ڪيو جو الوداعي دورو ڪيو. نيول چيف آصف سنڌيلا جي ايڇ ڪيو ۾ آرمي چيف سان ملاقات ڪئي، ملاقات ۾ گڏيل دلچسپي جي معاملن تي ڳالهايو ويو. ياد رهي ته پاڪ نيوي جو سربراهه ايڊمرل آصف سنڌيلا ملازمت جي مدت پوري ڪري آڪٽوبر تي ريٽائر ٿيندو جڏهن ته نئين سربراهه لاءِ ٽن نالن جو پينل تيار ڪيو ويو. وائيس ايڊمرل ذڪاءُ الله هن وقت نيوي جو سڀ کان سينئر آفيسر آهي. وائيس ايڊمرل حشام بن صديق ۽ وائيس ايڊمرل زيڊاين عباسي ان کان پوءِ ترتيبوار سينئر آفيسر آهن، پرپوءِ اها وزيراعظم جي صوابديد آهي ته هو ڪهڙي آفيسر کي نئون نيول چيف مقرر ڪري ٿو.

 

سنڌ حڪومت بلدياتي چونڊون ڪرائڻ لاءِ تيار آهي، چئني صوبن ۾ هڪ جهڙو نظام چاهيون ٿا: قائم علي شاهه

ڪراچي (اسٽاف رپورٽر) سنڌ جي وڏي وزير سيد قائم علي شاهه چيو آهي ته سنڌ حڪومت بلدياتي چونڊون ڪرائڻ لاءِ تيار آهي پر اسان چئني صوبن ۾ هڪجهڙو بلدياتي نظام چاهيون ٿا هن چيو ته هاڻي هي وفاقي حڪومت جي ذميواري آهي ته اها قدم وڌائي سنڌ حڪومت مناسب نوٽيس تي بلدياتي چونڊون ڪرائڻ لاءِ تيار آهي. اهڙن خيالن جو اظهار هن سومر تي 101هين قومي مئنجمينٽ ڪورس ۾ شامل ٿيندڙن جي سوالن جو جواب ڏيندي ڪيو. جيڪو سومر تي ڪراچي جي دوري تي سنڌ حڪومت جي آفيسرن سان ملڻ سنڌ سيڪريٽريٽ آيل هو وڏي وزير دوري تي آيل آفيسرن کي ٻڌايو ته سنڌ پهريون صوبو آهي جنهن بلدياتي نظام جي حوالي سان قانونسازي جي عدالت ۾ به يقين دهاني ڪرائي ويئي هئي ته سنڌ بلدياتي چونڊون ڪرائڻ لاءِ بلڪل تيار آهي ۽ ان حوالي سان تڪبندي به ڪرائي ويئي پر ڪنهن هن معاملي کي عدالت ۾ چئلينج ڪري ڇڏيو جيڪو اڄ تائين ڪورٽ ۾ التوا هيٺ آهي. اين ايف سي ايوارڊ کان پوءِ سنڌ حڪومت ڪارڪردگي جي حوالي سان پڇيل سوال جي جواب ۾ وڏي وزير چيو ته اين ايف سي ايوارڊ 2010 ۾ منظور ٿيو هو پر بدقسمتي سان اسان کي 2010 ۽ 2011 ۾ وڏي پئماني تي ٻوڏ ۽ برسات جهڙين قدرتي آفتن کي منهن ڏيڻو پيو ۽ اسان کي مجبورن ترقياتي فنڊ جي وڏي حصي کي بحالي جي ڪمن تي خرچ ڪرڻو پيو هن چيو ته 2010 جي ٻوڏ دوران اسان 70 لک ٻوڏ متاثرن جڏهن ته 2011 جي برساتن ۾ 90 لک متاثرن جي مدد ڪئي ۽ انهن جي ٻيهر بحالي ڪرائي. هن چيو ته گذريل سال اسان ٿرپارڪر جي علائقي ۾ ڏڪار سٽيل ماڻهن ۾ اڃا تائين مفت ڪڻڪ ورهائي رهيا آهيون ۽ صرف هلندڙ سال ۾ به 1.2 ارب رپين جي ڪڻڪ مفت ورهائي آهي هن چيو ته انهن قدرتي آفتن جي باوجود سنڌ حڪومت جي ڪارڪردگي بهتر رهي آهي ۽ گذريل مالي سال ۾ اسان 227 ترقياتي منصوبا مڪمل ڪيا آهن.

 

عدالتي حڪم تي پي ٽي آءِ ڪارڪنن جو قتل ڪيس وزيراعظم، وڏي وزير سميت ۱۱ ڄڻن خلاف داخل

اسلام آباد (بيورو) سيشن جج اسلام آباد جي حڪم تي وزيراعظم، وڏي وزير سميت ۱۱ ڄڻن خلاف تحريڪ انصاف جي ڪارڪنن کي قتل ڪرڻ جي الزام ۾ ڪيس داخل ڪيو ويو. تفصيل موجب تحريڪ انصاف طرفان سيشن ڪورٽ ۾ داخل ڪيل درخواست تي فيصلي اچڻ بعد وفاقي گادي واري هنڌ جي سيڪريٽريٽ ٿاڻي ۾ وزيراعظم نواز شريف، وڏي وزير شهباز شريف، وفاقي گهرو وزير چوڌري نثار علي خان، ريلوي جي وفاقي وزير خواجا سعد رفيق، پاڻي ۽ بجلي جي وفاقي وزير خواجا آصف سميت ۱۱ ڄڻن خلاف ڪيس داخل ڪيو ويو آهي. پوليس موجب ان ڪيس جي جاچ به عوامي تحريڪ طرفان داخل ڪرايل ڪيس سان گڏ ئي ڪئي ويندي.

 

اشرف غني نئين افغان صدر طور حلف کڻي ورتو، حامد ڪرزئي جو 13 سالن جو دور پڄاڻي تي پهتو

ڪابل (م.ڊ) اشرف غني افغانستان جي صدر جي حيثيت سان حلف کڻي ورتو، سومر ڏينهن ڪابل جي صدارتي محل ۾ هڪ تقريب ۾ اشرف غني حلف کڻڻ بعد باضابطه طور افغانستان جو صدر بڻجي ويو آهي، ان سان گڏوگڏ حامد ڪرزئي جي 13 سال دور حڪومت جو پڻ خاتمو اچي ويو آهي، حامد ڪرزئي 2001ع ۾ طالبان جي دور  کان پوءِ افغان صدر جو عهدو سنڀاليو هو،  جنگ سبب تباهه حال افغانستان ۾ پهريون ڀيرو جمهوري انداز ۾ اقتدار جي منتقلي ٿي آهي،  عبدالله عبداللهکان اشرف غني حلف ورتو، حلف برداري تقريب ۾ پاڪستان جي صدر ممنون حسين سميت پرڏيهي اعليٰ شخصيتن شرڪت ڪئي، صدر اوباما جي قونصلر جان بوڊاسٽا جي قيادت ۾ 10 رڪني وفد حلف برداري تقريب ۾ آمريڪا جي نمائندگي ڪئي.

 

چونڊن ۾ 100 سيڪڙو شفافيت ممڪن ناهي: سيڪريٽري اليڪشن ڪميشن

اسلام آباد (بيورو) اليڪشن ڪميشن عام چونڊن متعلق پنهنجو حقيقت نامو انتخابي سڌاري واري ڪميٽي کي پيش ڪري ڇڏيو جڏهن ته اليڪشن ڪميشن سيڪريٽري چيو آهي ته چونڊن ۾ 100 سيڪڙو شفافيت ممڪن ناهي. انتخابي سڌاري واري ڪميٽي جو اجلاس چيئرمين اسحاق ڊار جي سربراهي ۾ ٿيو جنهن ۾ اليڪشن ڪميشن سيڪريٽري اشتياق احمد بريفنگ ڏيندي ٻڌايو ته 2013ع جي چونڊن ۾ اليڪشن ڪميشن وڏي محنت ڪئي جنهن سبب چونڊن کي يورپي يونين، جاپان، آمريڪا سميت بين الاقوامي مبصرن شفاف قرار ڏنو جڏهن ته اليڪشن ڪميشن سيڪريٽري جي بريفنگ دوران ڪميٽي جي ميمبرن بيلٽ پيپرز جي ڇپائي متعلق سوالن جي برسات ڪري ڏني جنهن ۾ شيخ رشيد چيو ته ڪنهن هڪ ليڊر اهو ناهي چيو ته چونڊون شفاف ٿيون جنهن جي جواب ۾ اليڪشن ڪميشن سيڪريٽري چيو ته اسان سياسي پارٽين جي ڳالهه نٿا ڪريون پر پلڊاٽ به چونڊن کي شفاف قرار ڏنو آهي پرپوءِ چونڊن ۾ 100 سيڪڙو شفافيت ممڪن نه آهي. ان موقعي تي پيپلزپارٽي جي اڳواڻ نويد قمر سوال ڪيو ته بيلٽ پيپرز جي نمبرنگ ڪٿان ڪرائي وئي جنهن تي اليڪشن ڪميشن سيڪريٽري ٻڌايو ته نمبرنگ مشين پراڻي آهي جنهن لاءِ انفرادي قوت نه هئي ان لاءِ نمبرنگ لاءِ اردو بازار مان ۸۴ ماڻهن کي رکيو ويو جڏهن ته سيڪيورٽي فيچر وارا بيلٽ پيپرز پرائيويٽ پرنٽنگ پريس مان نٿا ڇپجي سگهن. اليڪشن ڪميشن سيڪريٽري جو چوڻ هو ته انتخابي عمل مڪمل فول پروف آهي پر جيڪڏهن ان ۾ ڪو گڙ ٻڙ ڪندو ته ان کي پڪڙيو ويندو.

 

وديا بالن ۽ عمران هاشمي ”هماري اڌوري ڪهاني“ جي شوٽنگ لاءِ ڪيپ ٽائون ويندا

ممبئي (شوبز نيوزEmraan-Hashmi-and-Vidya-Balan) اداڪارا وديا بالن ۽ اداڪار عمران هاشمي پنهنجي نئين فلم ”هماري اڌوري ڪهاني“ جي شوٽنگ لاءِ ڪيپ ٽائون ويندا، ”هماري اڌوري ڪهاني“ جي شوٽنگ جون ۾ شروع ٿيڻي هئي پر ڪنهن سبب جي ڪري  آڪٽوبر تائين ملتوي ڪئي وئي هئي، ان فلم جي شوٽنگ جو پهريون شيڊول ڏکڻ آفريقا جي شهر ڪيپ ٽائون ۾ ڀرايو ويندو ۽ ان کان پوءِ فلمي سيٽ دبئي منتقل ٿيندو، فلم جي ڪهاڻي فلمساز مهيش بٽ جي حياتي تي لکيل آهي.

ٿر جي غريب عوام لاءِ امداد گڏ ڪرڻ لاءِ فيشن شو جو اهتمام

ڪراچي (شوبز نيوز) ٿرManish-Malhotra-Stylish-Collection-for-Women-at-London-Fashion-Show-11 جي غريب عوام لاءِ امداد گڏ ڪرڻ لاءِ ڪراچي ۾ ڪپڙن جي مشهور برانڊ هڪ رنگارنگ فيشن شو جو اهتمام ڪيو ميڊيا رپورٽ موجب ڪراچي جي مقامي هوٽل ۾ سيفرون نائٽس جي نائي سان هڪ رنگارنگ فيشن شو جو اهتمام ڪيو ويو فيشن شو جو مقصد ٿر جي غريب عوام جي مالي مدد سان گڏوگڏ اتي پاڻي جي کوٽ ختم ڪرڻ لاءِ قدم کڻڻ لاءِ رقم گڏ ڪرڻ هو.

 

اداڪار جارج ڪلوني لبناني عورت سان شادي ڪري ڇڏي

وينس (شوبز نيوGeorge-Clooney-recalls-post-Golden-Globes-prank-on-Tina-Fey-and-Amy-Poehlerز) آمريڪي اداڪار جارج ڪلوني ۽ ان جي لبناني ڄائي زال امل علم دين 27 سيپٽمبر تي اٽلي ۾ شادي ڪري ڇڏي ۽ هني مون لاءِ وينس پهچي ويا آهن ۽ آچر تي ٻنهي وينس جي مشهور ڊگهي واهه گرينڊ ڪئنال ۾ ٻيڙي ۾ويهي تفريحي سان گڏوگڏ پنهنجن مداحن کي به پنهنجو ديدار ڪرايو ان موقعي تي واهه جي ٻنهي پاسن کان ماڻهن نئين شادي شده جوڙي جو ڀرپور استقبال ڪيو ۽ انهن مٿان گلن جي ورکا ڪئي.