تازيون خبرون

Daily Archives: September 26, 2014

ڌرڻي وارن جا وڏا منصوبا ها جيڪي قوم ناڪام بڻائي ڇڏيا: وزير اعظم

نيويارڪ (م.ڊ/اي پي پي) وزيراعظم نواز شريف چيو آهي ته جمهوريت لاءِ جلاوطني ۽ جيل ڪاٽيو، ملڪ ۾ آئين جي بالادستي لاءِ سياسي قوتون متحد آهن، ڌرڻي وارن وڏو منصوبو جوڙيو، قوم جو ساٿ نه ڏيڻ تي سمورا منصوبا ناڪام ٿي چڪا آهن، ڌرڻي وارا هاڻ واپس وڃڻ چاهين ٿا، ماضي ۾ پارليامينٽ هائوس، وزير اعظم هائوس ۽ پي ٽي وي تي حملي جو مثال نٿو ملي، ڌرڻن باوجود حڪومت پوري طرح فعال آهي، حڪومت جو هدف صرف ملڪ ۾ خوشحالي آڻڻ آهي، حڪومت ثابت قدمي سان ترقي جي راهه تي گامزن آهي. نيويارڪ ۾ پاڪستاني ڪميونٽي کي خطاب ڪندي وزير اعظم وڌيڪ چيو ته جمهوريت تي ڪنهن به صورت ۾ آنچ اچڻ نه ڏينداسين، ڌرڻي وارن وڏو منصوبو بڻايو پر قوم جو ساٿ نه ملڻ تي سمورا منصوبا ناڪام ٿي چڪا آهن ۽ هاڻ اهي واپس وڃڻ چاهين ٿا، ماضي ۾ پارليامينٽ هائوس، وزير اعظم هائوس ۽ پي ٽي وي تي حملي جا مثال نٿا ملن ۽ ڌرڻن جي باوجود حڪومت پوري طرح فحال آهي. هن چيو ته 2012ع جي چونڊن ۾ مونکي ڪو عهدو نه هو، نگران وزير اعظم ۽ وڏا وزير پيپلزپارٽي نامزد ڪيا انهي لاءِ ڌانڌلي جا الزام غلط آهن. وزير اعظم ملڪ ۾ آئين جي بالادستي لاءِ ساٿ ڏيڻ تي پارليامينٽ ۽ سياسي اڳواڻن جو شڪريو ادا ڪندي چيو ته سياسي قوتون آئين جي بالادستي لاءِ متحد آهن اسان جمهوريت لاءِ جيل ۽ جلاوطني برداشت ڪئي ۽ اسان جو مقصد حڪومت نه پر ملڪ جي ترقي آهي پرپوءِ جمهوريت تي ڪنهن به صورت ۾ تاءُ اچڻ نه ڏينداسين. وزير اعظم ان موقعي تي دهشتگردي خلاف جنگ ۾ پاڪ فوج جي خدمتن تي خراج تحسين پيش ڪيو، تمام احتجاج باوجود مل ڪ۾ حڪومت پوري طرح فعال آهي. ملڪ ۾ سياسي اتحاد جي باري ڳالهائيندي نواز شريف چيو ته احتجاجين کانسواءِ سموريون سياسي پارٽيون جمهوريت جون حامي آهن، قانون جي حڪمراني ۽ پارليامينٽ جي بالادستي لاءِ تعاون ڪرڻ تي سمورن سياسي اڳواڻن جو شڪريو ادا ڪيو. وزير اعظم چيو ته سياسي جماعتن کي چيو آهي ته ملڪ کي بحران مان ڪڍڻ ۾ مدد ڪن.

 

بزدلاڻين ڪاررواين سان حوصلا ڪمزور نه ٿيندا: وڏو وزير

ڪراچي(اسٽاف رپورٽر) سنڌ جي وڏي وزير سيد قائم علي شاهه ڊفينس جي علائقي گزري ۾ ايس ايس پي ايس آءِ يو فاروق اعواڻ جي قافلي تي دهشتگرد حملي جي مذمت ڪندي آءِ جي سنڌ پوليس کي واقعي جي جاچ ڪري رپورٽ پيش ڪرڻ جا حڪم جاري ڪيا آهن. جاري ڪيل پڌرائيءَ مطابق وڏي وزير سيد قائم علي شاهه حملي ۾ ايس ايس پي فاروق اعواڻ ۽ ٻين زخمي اهلڪارن کي فوري طور تي بهترين طبي سهولتون فراهم ڪرڻ جي هدايت ڪئي ۽ ڌماڪي ۾ ٿيل زخمين سان دلي همدرديءَ جو اظهار ڪندي انهن جي جلد صحتيابيءَ لاءِ دعا ڪئي. وڏي وزير چيو ته دهشتگرد عوام جي جان ۽ مال جي محافظ سيڪيورٽي آفيسرن ۽ اهلڪارن کي نشانو بڻائي رهيا آهن، انهن بزدلاڻي ڪارروائين سان پوليس جي آفيسرن ۽ جوانن جا حوصلا ڪمزور نه ٿيندا. هن چيو ته حڪومت دهشتگرديءَ کي پاڙ کان ختم ڪرڻ جو پڪو پهه ڪري رکيو آهي. هن آءِ جي سنڌ کي هدايت ڪئي ته ڌماڪي ۾ ملوث دهشتگردن ۽ اها رٿابندي ڪندڙن کي فوري طور تي گرفتار ڪري قانون جي ڪٽهڙي ۾ آندو وڃي ٻئي طرف هين آئيني ترميم کان پوءِ پاڪستان اسپورٽس بورڊ ضرورت مند رانديگرن ۽ سندن گهرڀاتين کي وظيفا ڏيڻ بند ڪري ڇڏيا آهن جڏهن ته راندين وارو کاتو سنڌ حڪومت وٽ ڪوئي فنڊ نه آهي اها ڳالهه سيد قائم علي شاهه پاران جمعي تي سنڌ اسيمبلي ۾ سوالن جي وقفي لاءِ هڪ سوال جي لکت واري جواب ۾ ٻڌائي ويئي سنڌ جي وڏي زوير ٻڌايو ته 18هين آئيني ترميم کان اڳ سنڌ جو راندين وارو کاتو مستحڪ رانديگرن ۽ مرحوم رانديگرن جي گهر ڀاتين کي مالي امداد يا وظيفا ڏيڻ متعلق ڪيس پاڪستان اسپورٽس بورڊ کي روانو ڪندو هو ۽ بورڊ هي وظيفا ڏيندو هو پر 18هين ترميم کان پوءِ بورڊ هي سلسلو ختم ڪري ڇڏيو آهي ڇو ته سنڌ جي راندين واري کاتي وٽ ضرورت مند رانديگرن کي مالي امداد ڏيڻ لاءِ فنڊ نه آهن. تنهنڪري وزيراعليٰ سنڌ لاءِ هڪ سمري قائم ڪئي ويئي آهي ته جيئن مستحڪم رانديگرن ۽ مرحوم رانديگرن جي گهرڀاتين کي مالي امداد فراهم ڪرڻ لاءِ ريوارنگ فنڊ قائم ڪري سگهجي. هڪ ضمني سوال تي ڊاڪٽر سڪندر مينڌرو ٻڌايو ته راندين سان لاڳاپيل ٽن شخصيتن پاران امداد/وظيفن جون درخواستن راندين واري کاتي کي مليون آهن ان لاءِ حڪومت فنڊ فراهم ڪرڻ جا انتظام ڪري رهي آهي هڪ ٻئي سوال جي جواب ۾ سنڌ جي وڏي وزير پاران ٻڌايو ويو ته مالي سال 8-2007 ۽ 9-2008 دوران راندين واري کاتي کي فٽبال کي هٿي ڏيڻ لاءِ 52 لک 64 هزار رپيا جڏهن ته والي بال کي هٿي ڏيڻ لاءِ 48 لک 95 هزار رپيا خرچ ڪيا.

 

دهشتگرد بزدلاڻين ڪارروائين سان قوم جا ارادا ڪمزور نٿا ڪري سگهن: پرويز رشيد

اسلام آباد (بيورو) وفاقي وزير پرويز رشيد ڪراچي ۾ ايس ايس پي فاروق اعواڻ جي گاڏي تي حملي جي سخت لفظن ۾ مذمت ڪندي چيو آهي ته دهشتگرد اهڙين بزدلاڻين ڪارروائين سان دهشتگردي خلاف جنگ ۾ قوم جا ارادا ڪمزور نٿا ڪري سگهجن هڪ بيان ۾ هن چيو ته حڪومت مربوط ڪوششن جي ذريعي دهشتگردي انتهاپسندي کي شڪست ڏيندي پاڪستاني قوم ان حوالي سان متحد آهي هن چيو ته واقعي ۾ جاني نقصان تي دلي صدمو پهتو آهي. هن دعا ڪئي ته الله تعاليٰ مرحومن کي پنهنجي جنت ۾ جاءِ ڏي ۽ سوڳوار خاندان کي هي صدمو برداشت ڪرڻ جي سگهه ڏي.

 

سنڌ ڌرتي ماءُ آهي, ڌرتي ماءُ کي ڪوئي ورهائي نٿو سگهي: شرجيل ميمڻ

ڪراچي (اسٽاف رپورٽر) سنڌ جي صوبائي وزير شرجيل انعام ميمڻ چيو آهي ته سنڌ ڌرتي ماءُ آهي ۽ هن ڌرتي ماءُ کي ڪوئي ورهائي نٿو سگهي اسلام آباد ۾ ڌرڻو هڻندڙ جماعتن سميت تمام پارليمينٽ ۽ پارليامينٽ کان باهر سياسي پارٽين کي هاڻي سياسي سمجهداري جو مظاهرو ڪرڻ گهرجي ڪراچي ۾ ٽارگيٽيڊ آپريشن ڪنهن به سياسي پارٽي جي خلاف نه آهي پر هي ڏوهارين جي خلاف آهي ۽ هن ۾ پوليس ۽ رينجرز کي مڪمل فري هينڊ مليل آهي اسان جي پوليس دنيا جي ڪنهن به پوليس کان گهٽ نه آهي ۽ ان جو واضح ثبوت زهره شاهد جا قاتل هڪ سال کان پوءِ به گرفتار ڪرڻ آهي جمعي تي سنڌ اسيمبلي اجلاس کان پوءِ ميڊيا سان ڳالهه ٻولهه ڪري رهيو هو شرجيل انعام ميمڻ صحافين جي سوالن جا جواب ڏيئي رهيو هو ته ايم ڪيو ايم سان ڪامياب ڳالهين کان پوءِ شهر ۾ 9 هنڌن تي ڌرڻا ختم ڪيا ويا آهن هن چيو ته اسان ڳالهه ٻولهه ذريعي مسئلا حل ڪرڻ چاهيون ٿا ۽ انهي طريقي سان هن معاملي کي حل ڪيو آهي هن چيو ته ان ۾ ڪائي به ڳالهه آف دي رڪارڊ نه آهي پر سموريون ڳالهيون آن دي رڪارڊ آهن هڪ ٻئي سوال جي جواب ۾ شرجيل ميمڻ چيو ته ملڪ هن وقت وڏن چئلينجز کي منهن ڏيئي رهيو آهي گذريل ڏينهن به اسان جي بهادر پوليس آفيسر تي حملو ڪيو ويو هن چيو ته هاڻي اسلام آباد ڌرڻن سميت سمورين سياسي جماعتن کي سياسي سمجهداري جو مظاهرو ڪري ڪم ڪرڻو پوندو. هن چيو ته آپريشن جي حوالي سان لياري جي چونديل نمائندن کي به تحفظات آهن پر اسان ڪنهن به موقعي تي پوليس ۽ رينجرز کي ڪنهن قسم جي ڪائي ڊڪٽيشن ناهي ڏني. هن چيو ته سڄي دنيا ۾ فورسز آزاد ۽ بااختيار هونديون آهن ۽ اسان جي پوليس ۽ رينجرز به مڪمل بااختيار آهي. هڪ سوال جي جواب ۾ صوبائي وزير چيو ته ايم ڪيو ايم جي ڪارڪنن جي گرفتاري تي احتجاج کي رات دير سان ڳالهين سان حل ڪيو ويو آهي ۽ اسان هميشه کان ڳالهين جي ذريعي مسئلن جي حل تي يقين رکون ٿا.

 

وزير اعظم جي بان ڪي مون سان ملاقات، ڪشمير مسئلي تي ڳالهيون

نيويارڪ (م.ڊ) وزير اعظم نواز شريف چيو آهي ته ڪشمير سلامتي ڪائونسل جي ايجنڊي ۾ موجوده حل طلب پراڻن تڪرارن مان هڪ آهي، بان ڪي مون ڪشمير مسئلو پر امن طريقي سان حل ڪرڻ لاءِ قدم کڻي، ڀارت طرفان پرڏيهي سيڪريٽري سطح تي ڳالهين کي منسوخ ڪرڻ تي افسوس ٿيو، اميد ته ڀارتي قيادت خطي ۾ امن ۽ خوشحالي لاءِ مذاڪراتي عمل ٻيهر بحال ڪندي. وزير اعظم نواز شريف جمعي ڏينهن گڏيل قومن جي جنرل اسيمبلي جي 69 هين اجلاس جي موقعي تي گڏيل قومن جي جنرل سيڪريٽري بان ڪي مون سان ملاقات ۾ ڳالهائي رهيو هو ان موقعي تي وزير اعظم بان ڪي مون تي زور ڏنو ته هو گڏيل قومن جي سلامتي ڪائونسل جي ڪيترن ئي قراردادن موجب ڪشمير مسئلي جي پر امن حل لاءِ قدم کڻي. وزير اعظم ڀارت طرفان پرڏيهي سطح جي مذاڪرات کي منسوخ ڪرڻ تي افسوس جو اظهار ڪيو ۽ چيو ته ان سان ڳالهين واري عمل کي ڌڪ لڳو آهي. وزير اعظم اميد ظاهر ڪئي ته ڀارتي قيادت خطي ۾ امن ۽ خوشحالي لاءِ ڳالهين وارو عمل ٻيهر بحال ڪندي، وزير اعظم نواز شريف گڏيل قومن جي جنرل سيڪريٽري کي دهشتگردن ۽ انهن جي نيٽ ورڪ جي خاتمي لاءِ پنهنجي حڪومت جي ڪوششن کان آگاهه ڪيو. ٻنهي اڳواڻن افغانستان ۾ چونڊ عمل مڪمل ٿيڻ ۽ نئين صدر ۽ چيف ايگزيڪيوٽو جي مقرري جو معاهدو طئه اچڻ جي آجيان ڪئي، وزير اعظم خطي ۾ امن ۽ ترقي لاءِ افغانستان جي نئين حڪومت سان گڏجي ڪم ڪرڻ تي راضپو ظاهر ڪيو، بان ڪي مون پاڪستان ۾ ٻوڏ سان ٿيل تباهي ۽ جاني نقصان تي ڏک جو اظهار ڪيو جڏهن ته وزير اعظم کيس ٻوڏ متاثرن جي امداد لاءِ حڪومت جي کنيل قدمن کان آگاهه ڪيو.

 

پ پ چيئرمين ليڊي هيلٿ ورڪرز کي پڪي ملازمت جا ليٽر ڏئي ڇڏيا

ڪراچي (اسٽاف رپورٽر) پيپلزپارٽي جي چيئرمين بلاول ڀٽو زرداري چيو آهي ته پيپلزپارٽي بينظير ڀٽو جو هڪ ٻيو خواب پورو ڪرڻ ۾ ڪامياب رهي، ليڊي هيلٿ ورڪرز کي پڪو ڪرڻ بينظير جو خواب هو، عوام کي روزگار ڏيڻ اسان جي سڀ کان پهرين ترجيح آهي، سنڌ حڪومت اڄ پنهنجو اهو واعدو پاڙي ڇڏيو. ليڊي هيلٿ ورڪرز ۾ پڪي ملازمت جا ليٽر ورهائڻ واري تقريب کي خطاب ڪندي هن وڌيڪ چيو ته اسان جو اڄ به نظريو اهو ئي آهي ته اٽو، لٽو، اجهو ۽ گهر، ليڊي هيلٿ ورڪرن کي پڪو ڪرڻ شهيد محترمه بينظير ڀٽو جو خواب هو، اڄ کين پڪو ڪري اسان شهيد بي بي جو خواب پورو ڪري ڇڏيو. هن چيو ته هڪ لک 60 هزار ليڊي هيلٿ ورڪرز پنهنجا فرض ادا ڪري رهيون آهن کين محنت جي عيوض پڪو ڪرڻ جو ڪريڊٽ پيپلزپارٽي جي حڪومت ڏي وڃي ٿو. هن چيو ته روزگار ڏيڻ سنڌ حڪومت جي اولين ترجيح آهي، اهو اسان تي فرض آهي ته قوم جي خدمت ڪريون ۽ روزگار فراهم ڪري اسان اهو سلسلو جاري رکنداسين. وڏي وزير کي محترمه بينظير ڀٽو جي مشن کي ڪامياب ڪرڻ تي مبارڪ ڏيان ٿو. هن چيو ته اٽو، لٽو، اجهو، علم، روشني، سڀني کي ڪم ڪالهه به اسان جو نعرو هو اڄ به اسان جو نعرو آهي، 18 آڪٽوبر 2007ع تي اسان نعرو لڳايو هو، بينظير ايندي روزگار آڻيندي، بي بي ايندي روزگار آڻيندي، ايندڙ 18 آڪٽوبر تي اسان نئون نعرو لڳائينداسين، بي بي جو آصف ايندو روزگار آڻيندو، بي بي جو پٽ ايندو روزگار آڻيندو.

 

پوري قوم وطن جو دفاع ڪندڙ فوجين تي فخر ڪري ٿي: جنرل راحيل شريف

راولپنڊي (م.ڊ) چيف آف آرمي اسٽاف جنرل راحيل شريف چيو آهي ته پوري قوم وطن جو دفاع ڪندڙ فوجين تي فخر ڪري ٿي ايل او سي تي ڪنهن به اشتعال انگيزي جو ڀرپور جواب ڏنو ويندو ڪنٽرول لائين سان مقرر فوجين جون پيشاوراڻه تياريون ۽ جذبو واکاڻ جوڳو آهي آءِ ايس پي آر مطابق جمعي تي آرمي چيف جهلم ويجهو لائين آف ڪنٽرول تي مقرر فوجين سان ملاقات ڪئي آرمي چيف کي مقامي ڪمانڊنگ پاران ايل او سي تي سيڪيورٽي صورتحال متعلق بريفنگ ڏني ويئي فوجين سان ڳالهائيندي پاڪ فوج جي سربراهه فرنٽ لائين تي انهن جي جذبي ۽ پيشاوراڻه تيارين کي ساراهيو جنرل راحيل شريف فوجين جي تياري تي مڪمل اطميمان جو اظهار ڪيو هن چيو ته لائين آف ڪنٽرول تي ڪنهن به اشتعال انگيزي جو ڀرپور جواب ڏنو ويندو چيف آف آرمي اسٽاف ايل او سي تي مقرر فوجين جي دفاع وطن لاءِ عزم ۽ قربانين کي ساراهيو هن چيو ته مادر وطن جو دفاع ڪندڙ فوجين تي پوري قوم فخر ڪري ٿي ان کان اڳ آرمي چيف جي پهچڻ تي 10 ڪور ڪمانڊر ليفٽيننٽ جنرل قمر جاويد باجوا سندس استقبال ڪيو.

 

پاڪستان زمين کان زمين تائين مار ڪندڙ حتف ۹ نصر ميزائيل جو ڪامياب تجربو ڪري ورتو

اسلام آباد (بيورو) پاڪستان زمين کان زمين تائين مار ڪندڙ حتف ۹ نَصُر ميزائيل جو ڪامياب تجربو ڪيو آهي، نَصُر ميزائيل 60 ڪلوميٽر تائين هدف کي نشانو بڻائڻ جي صلاحيت رکي ٿو، برق رفتار ميزائيل سسٽم ٽيڪٽيڪل ۽ آپريشن سطح تي پيش ايندڙ سمورن خطرن خلاف هڪ اثرائتو هٿيار ثابت ٿيندو. آءِ ايس پي آر موجب پاڪستان گهٽ فاصلي جي زمين کان زمين تائين مار ڪندڙ ملٽي ٽيوب ميزائيل حتف ۹ نصر جو ڪامياب تجربو ڪيو آهي، نصر ميزائيل جي ڪامياب تجربي جي موقعي تي چيئرمين جوائنٽ چيف آف اسٽاف ڪميٽي جنرل راشد محمود سمورن سائنسدانن ۽ انجنيئرن کي خطي ۾ امن جي صورتحال کي يقيني بڻائڻ لاءِ هڪ ٻيو اهم سنگ ميل عبور ڪرڻ تي مبارڪباد ڏني. ميزائيل جي ڪامياب تجربي کي صدر مملڪت ممنون حسين ۽ وزير اعظم ساراهيندي سمورن سائنسدانن ۽ مشقن ۾ حصو وٺندڙ سپاهه کي ان شاندار ڪارڪردگي تي مبارڪباد ڏني.

 

اداڪاره شبانه اعظمي فلمي ڪيريئر جا 40 سال مڪمل ڪري ورتا

ممبئي(شوبز نيوز)  بالي ووڊ اداڪاره شبانه اعظمي کي فلم انڊسٽIndiaTv4fa634_shabana-azmi-birthdayري ۾ ڪم ڪندي 40 سال مڪمل ٿي ويا. سڌ سماءَ وارن ذريعن مطابق هن فلمي ڪيريئر جي شروعات 1974ع ۾ فلم ”انڪور“ سا ڪئي جيڪا پنهنجي دور جي هٽ ترين فلم هئي. سندس ڪامياب فلمن ۾ ارٿ، سوامي. منڊي، اوتار، منڊي، معصوم، فقيرا، امر اڪبر انٿوني ۽ ٿوڙي سي بي وفائي شامل آهن. شبانه اعظي سماجي ڪمن ۾ وڏي جوش جذبي سان حصو وٺي ٿي ۽  ڊگهي وقت کان مجوان ويلفيئر سوسائٽي سان سلهاڙيل آهي

 

راحت فتح علي جي تڪبراڻي رويي مون کي حيران ۽ صدمو پهچايو؛ حوريا خان

ڪراچي (شوبز نيوز) ڳائڻي photoحوريا خان چيو آهي ته ڪنهن دور ۾ راحت فتح علي به جونيئر فنڪار هو هاڻي کيس خدا هڪ مقام ڏنو آهي ان کي گھرجي ته هو پاڻ کان جونيئر فنڪارن جو حوصلو ۽ سندن اڳواڻي ڪري. ڳائڻي حُوريا خان چيو ته راحت فتح علي خان موسيقيءَ جو هڪ وڏو نالو آهي، تازو ئي ڪراچيءَ ۾ ٿيندڙ ڪنسرٽ ۾ مون کي هن سان پرفارم ڪرڻ لاءِ سائن ڪيو ويو هو، مان تمام گھڻي خوش ٿيس ته مون کي ايڏي وڏي فنڪار سان پرفارم ڪري ڪجھه سکڻ جو موقعو ملندو پر راحت فتح علي خان آرگنائيزرن کي منهنجي انٽري نه ڪرڻ جو چيو، سندس تڪبراڻي رويي مون کي حيران ۽ صدمو پهچايو، ڇو ته ايڏي وڏي فنڪار مان مون کي اهڙي اميد نه هئي، بعد ۾مون ساڻس ملاقات ڪئي ته هن چيو ته مان توکي سڃاڻان نه ٿو ته توسان پرفارم ڪيئن ڪندس.حوريا خان چيو ته راحت فتح علي اهو سوچي ته ڪنهن وقت هو به هڪ جونيئر فنڪار هو، هاڻ کيس خدا مقام ڏنو آهي ته ان دوران هو جونيئرن جي مدد ڪري، کيس جونيئر فنڪارن جا حوصلا ٽوڙڻ نه گھرجن.

Rahat-Fateh-Ali-Khan1