تازيون خبرون

Daily Archives: September 19, 2014

قربانين ۽ جدوجهد کان پوءِ مليل جمهوريت تي ڪهاڙو هڻڻ نه ڏينداسين: نواز شريف

اسلام آباد (بيورو) وزيراعظم نوازشري1111111111111111111111111111111111ف واضح ڪيو آهي ته قربانين ۽ جدوجهد کان پوءِ ملندڙ جمهوريت کي ڪهنهن کي ڪهاڙو هڻڻ نه ڏينداسين مون کي  ڪرسي ۽ اقتدار جي ڪائي لالچ نه آهي زميواري الله تعاليٰ جي امانت سمجهي قبول ڪئي آهي ڪوئي لانگ مارچ يا شارٽ مارچ اسان کي پنهنجي مشن تان نٿو هٽائي سگهي ڪوئي غلط فهمي ۾ نه رهي پنجن هفتن کان ماڻهن کي بعاوت تي بڙڪايو پيو وڃي ڏڦيڙ جي ايجنڊا هميشه لاءِ ختم ٿي ويندي اسان ڳالهين جي ڪوشش ڪندارهياسين شاهراهه دستور تي پارليامينٽ کي قبرستان بنائڻ جا نعرا لڳندا رهيا ڌرڻن وارا اڳواڻن کي عوام جي عدالت ۾ وطن دشمني جو حساب ڏيڻو پوندو عمران خان بني گالا ۾ ملاقات دوران هڪ لفظ به ڌانڌلي بابت ناهي چيو آئين تحت حق حڪمراني عوام وٽ آهي هر رستو آئين مان نڪرندو ڌرڻن وارا پنهنجي عملي طريقيڪار تي نظرثاني ڪن شاهراهه دستور کي خالي ڪرائڻ نه ڪالهه ڏکيو هو ۽ نه اڄ ڏکيو آهي صبر کان ڪم وٺي رهيا آهيون الله جي فضل ۽ ڪرم سان پنهنجو سفر جاري رکنداسين چيني صدر ڀارت ۾ آهي اربن جا معاهده ٿي رهيا آهن پاڪستاني قوم چيني صدرجي ميزباني کان محروم رهي جمعي تي پارليمينٽ جي گڏيل اجلاس کي خطاب ڪندي وزيراعظم نوازشريف چيو ته پارليمينٽ جو گڏيل اجلاس گذريل ڪيترن ئي ڏينهن کان جاري آهي جنهن ۾ موجوده صورتحال تي بحث ٿيندو رهيو 18 ڪروڙ عوام جي نمائندگي ڪندڙ ايوان سنجيدگي سان موجوده صورتحال تي غور ڪندو رهيو ڇو ته سڄي دنيا ۾ پاڪستان جو تماشو بڻائي ڇڏيو آهي پارليمينٽ جي گڏيل اجلاس ۾ ميمبرن هر پهلو جو جائزو ورتو ۽ پنهنجي قيمتي راين کان آگاهه ڪيو ۽ اسان جي رهنمائي ڪئي ۽ پارليامينٽ جو گڏيل اجلاس جمهوري ۽ پارليماني تاريخ جو سونهري ورڪ آهي هن جو ڪردار جمهوري قوتن لاءِ مشعل راهه بڻجندو هن اهم مرحلي تي سياسي جماعتن پنهنجو وزن آئين ۽ جمهوريت جي پڙ ۾ وڌو قومي اسيمبلي ۾ مخالف ڌر اڳواڻ سيد خورشيد شاهه ۽ پارليماني جماعتن جي اڳواڻن جو ٿورائتو آهيان جن آئين ۽ جمهوريت جو ساٿ ڏنو ۽ ائين ٽوڙيندڙ عنصرن کي رد ڪيو نوازشريف چيو ته وڪيلن صحافين دانشورن ۽ سول سوسائٽي جو به ٿورائتو آهيان انهن آئين ۽ قانون جي رکوالي جي ڳالهه ڪئي ميڊيا انتشار ڦهلائيندڙ عنصرن کي بي بقاب ڪيو مان پاڪستاني عوام جو شڪرگذار آهيان جنهن وڳوڙ ڦهلائيندڙ عنصرن کي رد ڪري جمهوريت جو مظاهرو ڪيو هن چيو ته پنجن هفتن کان ڏسي رهيا آهيون ته شاهراه دستور تي جيڪو ڪجهه ٿي رهيو آهي چڙ ڏياريندڙ تقريرون ڪيون پيون وڃن جذبا ڀڙڪايا پيا وڃن قبرون کوٽيون پيون وڃن 34 ڏينهن ۾ سوين دفعا ساڳي تقرير ٿي رهي آهي پارليمينٽ سياسي جماعتن جا اڳواڻ ۽ حڪومت صبر کان ڪم ورتو لاهور ۽ ٻين شهرن کان اسلام آباد پهچندڙن پنهنجي پسند جي جڳهه جي چونڊ ڪئي اسان کي ضمانت ڏني ۽ لکت ۾ عهد ڪيو ته هو اڳتي نه ويندا پر سڀني واعدن کي نطرانداز ڪري هڪ ئي ڏينهن ۽ هڪ ئي وقت ريڊ زون تي حملو ڪيو ويو ٻارڙن عورتن بزرگن کي ڊال بڻائي چڙهائي ڪئي سپريم ڪورٽ هدايت ڏني شاهراهه دستور کي خالي ڪرايو پر سپريم ڪورٽ جي حڪمن جي پرواهه نه ڪئي اسان کي چيو ويو ته ڪنهن عمارت ۾ داخل نه ٿينداسين پوري قوم ڏٺو ته ڪهڙي طرح حملو ڪيو ويو هي ايوان هڪ فرد ڪنهن پارٽي جو نه آهي پر 18 ڪروڙ عوام جو آهي پارليمينٽ ائين جي حڪمراني جي علامت آهي انهن علامتن جي توهين 18 ڪروڙ عوام جي توهين آهي پي ٽي وي تي حملو ڪري ڀڃ ڊاهه ڪئي ويئي ڦرلٽ کان پوءِ نشريات بند ڪئي ويئي وزيراعظم چيو ته جيڪڏهن هي ڌانڌلي جي خلاف احتجاج آهي ته چيو ويو ته ڌانڌلي جي جاچ ڪرائي وڃي ڪائي منظم ڌانڌلي ناهي ٿي هي پاڪستاني تاريخ جون شفاف چونڊون ٿينديون 200 مبصرن چونڊن کي شفاف قرار ڏنو هن چيو ته ڌرڻي وارن جي خيال ۾ قوم جي يادداشت ڪمزور آهي پر ائين نه آهي. ڪالهه انهن ماڻهن ڇا چيو هو ۽ اڄ ڇا چئي رهيا آهن 11 مئي 2013 تي چونڊون ٿيون 272 حلقن تي پي ٽي آءِ 241 اميدوار بيهاريا 27 سيٽن تي ڪايمابي ملي 55 حلقن ۾ پي ٽِ آءِ جي اميدوارن جون ضمانتون ضبط ٿي ويون انهن حلقن ۾ هو ساڍا 12 سيڪڙو ووٽ حاصل نه ڪري سگهيا ٽربيونل جوڙيو ويو ۽ 60 0ڏينهن تائين پي ٽِ آءِ غور ڪندي رهي 2 مهينا غور کان پوءِ 30 حلقن تي درخواستون داخل ڪيون انهن 30 حلقن مان 20 سيٽون مسلم ليگ (ن) کٽيون آهن جيڪڏهن فرض ڪيو ته هي 20 سيٽون به پي ٽي آءِ کي ملي وڃن ها ته عملي طور تي ڪو فرق نه پوي ها ۽ پوءِ به مسلم ليگ (ن) واضح اڪثريت سان ڪامياب ٿئي ها وزيراعظم چيو ته جنهن جواز تي 342 ميمبرن کي گهر موڪلڻ چاهين ٿا وزيراعظم چيو ته 35 پنڪچر جي پراسرار ڪهاڻي تلاش ڪئي ويئي انهن مان 15 پنجاب جا حلقا هئا ۽ 20 حلقا ٻين صوبن مان هئا 12 ۾ مسلم ليگ (ن) ڪامياب ٿي هن بيشمار شخصيتن تي الزام لڳايو آهي ۽ ان جا ڪوئي ثبوت ناهن ڏنا. هن چيو ته مان پارليامينٽ جي سمورن پارٽين جو شڪريو ادا ڪيان ٿو جن ان موقعي تي تاريخ ساز ڪردار ادا ڪيو آهي ۽ جمهوريت جو سفر جاري رهندو ڪنهن قيمت تي جمهوريت کي فساد جي نظر نه ٿيڻ ڏينداسين ڪجهه ماڻهو انتشار جي ايجنڊا کڻي آيا آهن ۽ هي هميشه لاءِ دفن ٿي ويندو 18 ڪروڙ عوام کي آڱرين تي ڳڻڻ جيترن عنصرن آڏو ڪڏهن به نه جهڪڻ ڏينداسين.

 

سنڌ جي عوام کي الله جو شڪر ادا ڪرڻ گهرجي، ٻوڏ جو خطرو ٽري ويو آهي: وزير اعظم

سکر (بيورو) وزيراعظم پاڪستان محمد 222222222222222222222222222222نواز شريف چيو آهي ته سنڌ جي عوام کي شڪر ادا ڪرڻ گهرجي ته سنڌ ۾ وڏي ٻوڏ اچڻ جو خطرو ٽري ويو آهي. جڏهن ته ٻوڏ کان بچاءَ  ۽ ٻوڏ جي پاڻيءَ سبب ٿيل نقصان متعلق سنڌ ۽ پنجاب جي صوبائي عملدارن کي وفاقي اختيارين سان گڏجي حتمي انگ اکر ڪٺا ڪرڻ گهرجن ته جيئن ٺوس حڪمت عملي تيار ڪري سگهجي. وزيراعظم ان موقعي تي وزير اعليٰ سنڌ کي صلاح ڏني ته صوبائي حڪومت ٻوڏ کان بچاءَ وارن انتظامن کي ٺوس شڪل ڏيندي بچاءَ بندن ۽ بيراجن کي مضبوط ڪرڻ تي وسيلا خرچ ڪري ته جيئن هر دفعي ٻوڏ اچڻ کانپوءِ ٻوڏ سبب متاثر ٿيندڙ ماڻهن کي جاني، مالي نقصان ادا ڪرڻ وارو خرچ بار بار ڪرڻ کان بچي سگهجي. وزيراعظم چيو ته هو پنجاب حڪومت کي به اڳواٽ انتظام ڪرڻ واري پاليسي اختيار ڪرڻ جي هدايت ڪندو. وزيراعظم ان موقعي تي چيو ته پنجاب ۾ ٻوڏ متاثرن جي بحاليءَ لاءِ حڪومت ڀرپور قدم کڻي رهي آهي. جڏهن ته اهو خدشو هيو ته ٻوڏ جا وهڪرا سنڌ ۾ به تباهي مچائي سگهن ٿا. ان ڳالهه کي نظر ۾ رکندي وفاقي حڪومت پاران سنڌ حڪومت کي مشڪل وقت ۾ هر ممڪن مدد فراهم ڪرڻ جي خاطري ڪرائي وئي. هن چيو ته سکر بيراج ملڪ جي آبپاشي نظام جو تاريخي حصو آهي. سکر بيراج سميت سنڌ جي آبپاشي نظام کي مضبوط بنائڻ لاءِ قدم کنيا ويندا. وزيراعظم پاران سنڌ حڪومت جي ذميوران کي ان موقعي تي خاطري ڪرائي وئي ته اگر ٻوڏ جو پاڻي سنڌ ۾ داخل ٿيو ۽ عوام کي ڪا مشڪل پيش آئي ته وفاقي حڪومت بنا دير سنڌ جي عوام جي امداد لاءِ سڀ وسيلا ڪتب آڻيندي. وزيراعظم چيو ته سنڌ جي عوام کي ڪنهن به مشڪل گهڙيءَ ۾ اڪيلو نه ڇڏيو ويندو. ان کان اڳ وزيراعظم سنڌ صوبي ۾ ٻوڏ جي صورتحال جو جائزو وٺڻ لاءِ ڪالهه شام سکر ايئرپورٽ پهتو ته سنڌ جي وڏي وزير سيد قائم علي شاهه. صوبائي وزيرن ۽ پاڪستان مسلم ليگ (ن) سنڌ جي سرگرم اڳواڻن وزيراعظم پاڪستان جو استقبال ڪيو. وزيراعظم سان گڏ وفاقي وزير ۽ وفاقي حڪومت جا اعليٰ عملدار به سکر پهتا. سکر پهچڻ بعد ايئرپورٽ جي وي آءِ پي لائونج ۾ وزيراعظم پاران پاڪستان مسلم ليگ (ن) سنڌ جي اڳواڻن ۽ ڪارڪنن سان هڪ گڏجاڻي ڪئي ۽ سندن ڳالهيون ٻڌيون. وزيراعظم ان موقعي تي پنهنجي پارٽيءَ جي ڪارڪنن کي هدايت ڪئي ته هو ٻوڏ جي صورتحال ۾ عوام جي سار سنڀال لهڻ لاءِ تيار رهن ۽ ڪا مشڪل گهڙي اگر اچي وڃي ته هو عوام جي خدمت لاءِ ڀرپور ڪردار ادا ڪن. جڏهن ته ان بعد وزيراعظم سکر بيراج پهتو. جتي سنڌ جي چيف سيڪريٽري سجاد سليم هوتيانه ۽ آبپاشي کاتي سنڌ جي سيڪريٽري بابر آفنديءَ پاران کيس سنڌ جي بيراجن جي بيهڪ ۽ پاڻي وهڪرن متعلق بريفنگ ڏني وئي. آبپاشي کاتي جي سيڪريٽري بابر آفنديءَ پاران نقشن ۽ چارٽن جي مدد سان بريفنگ ڏيندي وزيراعظم کي ٻڌايو ويو ته سنڌو درياءِ ۾ پاڻيءَ جا وهڪرا وچولي ٻوڏ جي سطح وارا آهن. گذريل 24 ڪلاڪن دوران گڊو بئراج وٽ پاڻيءَ جي سطح ساڍا ٽي لک ڪيوسڪ جي لڳ ڀڳ هئي. جڏهن ته گڊوءَ وٽ امڪان هيو ته ساڍا چار لک ڪيوسڪ پاڻي پهچندو پر ڪالهه (اڄ) کان پاڻيءَ جي وهڪرن ۾ لاٿ اچڻ لڳي آهي. جنهن جي ڪري سنڌ ۾ وڏي ٻوڏ جو خطرو ٽري ويو آهي. آبپاشي سيڪريٽريءَ پاران وزيراعظم کي ڏنل بريفنگ ۾ ٻڌايو ويو ته هن مهل تائين آيل ٻوڏ جي وهڪري سبب سکر ڊويزن جي ڪچي ۾ 251 ڳوٺ متاثر ٿيا آهن، جڏهن ته ڪچي جي هڪ لک 45 هزار 625 ايڪڙ ايراضي پاڻيءَ جي لپيٽ ۾ آئي آهي. ڪچي ۾ آباد ماڻهن جا 29 هزار 300 پالتو جانور متاثر ٿي آهن. ان موقعي تي وزيراعظم کي ٻڌايو ويو ته ڪچي جا ڪُل 87 هزار 585 ماڻهو ٻوڏ جي پاڻيءَ سبب متاثر ٿيا آهن. سکر ضلعي جي پنوعاقل تعلقي مان 16 هزار ۽ روهڙي تعلقي مان 7 هزار ۽ سکر تعلقي جي 23 هزار 920 کان وڌيڪ ماڻهن کي ڪچي جي ايريا مان ڪڍي رليف ڪيمپن ۾ منتقل ڪيو ويو آهي ۽ متاثرن ۾ 800 خيما ورهايا ويا آهن. متاثرن لاءِ 15 امدادي ۽ ميڊيڪل ڪيمپون قائم ڪيون ويون آهن جن ۾ 21 هزار 300 ماڻهن جي رهائش جي گنجائش آهي. جڏهن ته  آبپاشي سيڪريٽري اهو به ٻڌايو ته سنڌ حڪومت وفاقي ادارن جي مدد سان وڏي ٻوڏ جي امڪان کي نظر ۾ رهندي احتياط طور اهڙا اپاوَ ورتا جن جي مدد سان ٻوڏ دوران نقصان جي نوعيت کي گهٽ کان گهٽ سطح تي بيهاري سگهجي. ان کان اڳ وزيراعظم سکر بيراج گهمي ڏٺي ۽ سنڌ جي وڏي وزير پاران بيراج جي مرمت ۽ ري ماڊلنگ جي ضرورت بابت وزيراعظم کي بريفنگ ڏني وئي. سنڌ جي وڏي وزير سيد قائم علي شاهه پاران ان موقعي تي ٻڌايو ويو ته درياءَ جي بچاءَ بندن جي 24 ڪلاڪ نگراني ڪئي پئي وڃي. هن چيو ته بندن کي متوقع ٻوڏ سبب وڌيڪ مضبوط ڪيو ويو آهي. جڏهن ته امڪاني صورتحال کي اڳواٽ منهن ڏيڻ لاءِ صوبائي وزيرن، ايم پي ايز ۽ صوبي سان تعلق رکندڙ ايم اين ايز مٿان به ذميواري رکي وئي ته اهي بچاءَ بندن جي مضبوطيءَ واري ڪم ۽ امدادي ڪيمپن جي قيام جو بندوبست ڪن

 

سکربئراج جي ري ماڊلنگ ۽ ري پليسنگ ڪئي ويندي: وڏو وزير

سکر (بيورو) سنڌ جي وڏي وزير سيد قا3333333333333333333333333333333ئم علي شاهه چيو آهي ته پاڪستان پيپلزپارٽي جي قيادت ۽ سنڌ ۾ پيپلزپارٽي جي حڪومت پاران عوام جي معاشي مفاد جي تحفظ لاءِ مستقبل ۾ سکر بئراج جي ري ماڊلنگ ۽ ري پليسنگ جي ضرورت محسوس ڪئي ويئي آهي سکر بئراج سنڌ جي عوام جي جيئڻ جو سهارو ۽ ذريعو آهي جنهن جي تحفظ لاءِ نه فقط اڃا پر مستقبل لاءِ به تحفظ لازمي آهي سنڌ ۾ سکر تاريخي حيثيت رکندڙ شهر آهي جتي ڪيترائي تاريخي هنڌ سکر بئراج مير معصوم شاهه جو منارو، لينس ڊائون پل ۽ ميا مذهبي هنڌ آهن جن کي صوبائي ثقافت کاتي پاران تحفظ فراهم ڪيو ويندو اهڙن خيالن جو اظهار هن پ پ جي عهديدارن ۽ ورڪرز سان سرڪٽ هائوس سکر ۾ اجلاس دوران ڪيو. سيد قائم علي شاهه چيو ته هلندڙ سال 15-2014 جي بجيٽ ۾ مختلف شعبن ۾ ڪيتريون ئي ترقياتي اسڪيمون شامل ڪيون ويون آهن ۽ اسان سنڌ جي هر ضلعي ۾ ضلعن جي سمورن اسٽيڪ هولڊرز سان مشاورت سان مشروط گهربل علائقائي ترقياتي ڪمن جي تعين ۽ جائزي لاءِ ڊسٽرڪٽ ڊيولپمينٽ ڪميٽيون قائم ڪيون آهن جڏهن ته هن سکر شهر جي ترقي ۽ سونهن لاءِ عوامي نمائندن ۽ سمورن اسٽيڪ هولڊرز کي هڪ ميگا ترقياتي منصوبي لاءِ به دعوت ڏني آهي. ٻئي طرف سنڌ جي وڏي وزير سيد قائم علي شاهه سکر جي ثقافتي ورثن کي هٿي وٺرائڻ جي سلسلي ۾ اسپيشل اسسٽنٽ ڪلچر سيڪريٽري ڪلچر ۽ ڪمشنر سکر ڊويزن جي سربراهي ۾ ٽه رڪني ڪميٽي قائم ڪري ڇڏي آهي جيڪا سکر ڊويزن ۾ پرڪشش ثقافتي ورثن، هنڌن جو جائزو وٺي ثقافتي ورثن جي ترقي پروجيڪشن ۽ آپريشنل ڪرڻ لاءِ فيز وائيز رٿابندي ترتيب ڏيڻ جي ذميواري ادا ڪندي هن قدم جو فيصلو سيد قائم علي شاهه روينيو کاتي پاران جمعي تي سرڪٽ هائوس سکر ۾ تفريحي ماڳن متعلق بريفنگ کان پوءِ ڪيو سنڌ جي وڏي وزير ان موقعي تي چيو ته سنڌ صوبو ملڪ جو روايتي ۽ ثقافتي صوبو آهي سنڌ ۾ ڪيترائي اهڙا تاريخي ماڳ آهن جيڪي بين الاقوامي سطح تي مشهور آهن پر انهن جي بهتر حفاظت ۽ عدم دلچسپي جي ڪري تفريحي هنڌن جي سارسنبال نه پئي ڪئي وڃي هن چيو ته سکر بئراج لينس ڊائون پل سادوٻيلو ست سهلين جا آستانه ۽ ٻين ڪيترن ئي هنڌن جي ڪري هي تاريخي اهميت وارو آهي. هن جي مناسب سارسنڀال نه پئي ڪئي وڃي. ان موقعي تي ايڪسائيز کاتي جي صوبائي وزير مڪيش ڪمار چاوله سادٻيلو تي ايندڙن لاءِ موٽر بوٽ ڏيڻ  جو اعلان ان جي ان جذبي کي ساراهيو ويو بريفنگ اجلاس ۾ مڪيش ڪمار چاوله سيد ناصر حسين شاهه، سيد اويس شاهه، آءِ جي سنڌ پوليس غلام حيدر جمالي ۽ ڪمشنر سکر ڊويزن محمد عباس بلوچ شرڪت ڪئي.

 

هڪ وقت اهڙو ايندو جڏهن اسان گڏجي نعرو هڻنداسين ته مرسون مرسون پنجاب نه ڏيسون: بلاول ڀٽو

لاهور (م.ڊ) پاڪستان پيپلزپارٽِ جي چيئرمين بلاول ڀٽو 15372-BilawalBhuttoZardari-1356688803-606-640x480زرداري چيو آهي ته پنجاب ۾ پيپلزپارٽي کي هڪ دفعو ٻيهر مضبوط ڪنداسين هڪ وقت اهڙو ايندو جڏهن اسان گڏجي نعرو هڻنداسين ته مرسون مرسون پنجاب نه ڏيسون پنجاب جو دورو ٻوڏ متاثرن جي مدد لاءِ هيو اهڙن خيالن جو اظهار هن بلاول هائوس ۾ پارٽي جي سينيئر اڳواڻڻ سان ملاقات ۾ ڳالهه ٻولهه ڪندي ڪيو ان موقعي تي پنجاب ۾ ٻوڏ سان ٿيندڙ تباهي ۽ متاثرن جي امداد جي حوالي سان به ڳالهه ٻولهه ڪئي ويئي جمعي ڏينهن راجا پرويز اشرف، شيرين رحمان، جهانگير بدر، قمرزمان ڪائره، منظور وٽو، ثمينا خالد گرڪي، راجا رياض، امتياز صفدر وڙائچ الطاف قريشي حاجي عزيزالرحمان چن، نويد چوڌري، تنوير اشرف ڪائره سميت ٻين پارٽي چيئرمين بلاول ڀٽو زرداري سان ملاقات ڪئي ۽ پنجاب ۾ پارٽي کي مضبوط ڪرڻ جي حوالي سان تجويزون پيش ڪيون ان موقعي تي اڳواڻن سان ڳالهائنيدي بلاول ڀٽو زرداري چيو ته منهنجو پنجاب جو دورو ٻوڏ متاثرن لاءِ هو پارٽي جا ميمبر عهديدار ۽ ڪارڪن متاثرن جي ڀرپور مدد ڪن وري پنجاب جي دوري تي ايندس ۽ ڪارڪنن جا مسئلا ٻڌندس. هن چيو ته هڪ وقت ايندو جڏهن اسان گڏجي نعرو هڻنداسين ته مرسون مرسون پنجاب نه ڏيسون ملاقات کان اڳ بلاول ڀٽوز رداري پاران پارٽي اڳواڻن جي اعزاز ۾ ناشتي جو بندوبست ڪيو ويو.

 

اسلام آباد، ڌرڻا مصنوعي ماحول آهي، عوام کي يرغمال بڻايو ويو آهي: شرجيل ميمڻ

ڪراچي (اسٽاف رپورٽر) صوبائي وزير شرجيل ميمڻ Sharjeel Memonچيو آهي ته اسلام آباد ڌرڻا مصنوعي ماحول آهي جن عوام کي يرغمال بڻايو جنهن جي ڪري ملڪي معيشت کي نقصان ٿي رهيو آهي. پاڪستاني عوام ڪجهه هزار ماڻهن سان گڏ نه آهي عوام پاران موجوده حڪومت کي ڏنل اعتماد جي ووٽ تي ڌاڙو هڻڻ نه ڏنو ويندو سومر کان سڄي سنڌ ۽ خاص ڪري ڪراچي ۾ ماهوار صفائي ۽ اينٽي انڪروچمينت ڏينهن ملهايو ويندو هي ڳالهه هن گذريل ڏينهن ڪورنگي ايسوسيئيشن آف ٽريڊ اينڊ انڊسٽري ۽ سي پي ايل سي پاران ڊسٽرڪٽ رپورٽنگ سيل جي تقريب جي موقعي تي ڪئي ان موقعي تي ڪاٽي جو سرپرست اعليٰ ايس ايم منير ايڊيشنل آءِ جي ڪراچي پوليس غلام قادر ٿيٻو، سينيٽر عبدالحسيب خان ميان زاهد حسين فرق احمد چنائي ۽ ڪاٽي جي لا اينڊ آرڊر ڪميٽي جي چيئرمين نديم خان خيالن جو اظهار ڪيو. شرجيل ميمڻ چيو ته سڄي پاڪستان ۾ امن امان جي صورتحال آئيڊيل نه آهي دهشتگرد ملڪ لاءِ ناسور بڻجي چڪا آهن جن جي خلاف پاڪ فوج آپريشن ڪري رهي آهي هن چيو ته پوليس ۽ رينجرز پاران ٿيندڙ ٽارگيٽ آپريشن ۾ گرفتار ٿيندڙ 0وهاري ماڻهن جي خلاف پنج اي پي سي عدالتون قائم ڪيون ويون آهن هن چيو ته تاجر برادري وفاق پاران گئس ۽ پاڻي جي مسئلي تي سنڌ جي حقن تي ڌاڙو هڻڻ جي خلاف آواز اٿاري ته جيئن سنڌ جي عوام کي سندن حق ملي سگهي.

 

پارليامينٽ جي اتحاد غير جمهوري قوتن جي سازش کي ناڪام بڻائي ڇڏيو

اسلام آباد (بيورو) پارليامينٽ جي islamabad-national-assemblyگڏيل اجلاس ۾ جماعت اسلامي ۽ اي اين پي سميت پي ٽي آءِ جي باغي قومي اسيمبلي ميمبر گلزار خان چيو آهي ته پارليامينٽ جي اتحاد غير جمهوري قوتن جي سازش کي ناڪام بڻائي ڇڏيو، چند هزار ماڻهو پارليامينٽ ٻاهران وزير اعظم جي استعيفيٰ جو مطالبو ڪري رهيا آهن، ايئن نه ٿئي ته سڀاڻي چند هزار ماڻهو ڪنهن ٻئي اداري جي سربراهه جي استعيفيٰ گهرن، شاهراهه دستور تي ڌرڻا هڻڻ تي پابندي لڳائي وڃي، ٻٽي شهريت رکندڙن تي به سياست ۾ شرڪت تي پابندي هئڻ گهرجي، ڌرڻي وارن پارليامينٽ جي عزت نيلام ڪري ڇڏي، ڌرڻي وارا پاڻ ڌانڌلي جي پيداوار آهن، پارلياماني ڪميٽي بڻائي عمران وٽ موڪلي وڃي، جيڪ کيس ڌرڻو ختم ڪرڻ تي راضي ڪري، جمهوريت جي مضبوطي لاءِ مقاني چونڊون ڪرايون وڃن، وزيرن جي سخت بيانن سان مذاڪرات ڊيڊ لاڪ جو شڪار ٿيا، عمران خان مڃي وٺي پارليامان تي چڙهائي سان ڌرڻو ڪامياب نٿو ٿي سگهي. پارليامينٽ جي گڏيل اجلاس ۾ جماعت اسلامي جي شير اڪبر، اي اين پي جي شاهي سيد، آزاد سينيٽر محسن لغاري ۽ پي ٽي آءِ جي باغي ميمبر گلزار خان ملڪي سياسي صورتحال تي بحث ۾ حصو ورتو. شير اڪبر خان چيو ته آزادي مارچ ۽ انقلاب مارچ جي نالي تي ملڪ ۾ هٿرادو بحران مڙهيو ويو آهي، پي ٽي وي ۽ پارليامينٽ تي حملو ڪيو ويو، حڪومت ڌرڻا ختم ڪرائي، 2014ع جون حالتون ۷۷ ۽ ۹۹ کان مختلف آهن اڄ سموريون پارٽيون گڏ آهن، قوم کي پارليامينٽ مان وڏيون اميدون لڳل آهن، قوم غربت، بيروزگاري، ڪرپشن ۽ دهشتگردي جو خاتمو چاهي ٿي، ڌرڻن ملڪي معيشت کي تباهه ڪري ڇڏيو آهي، موجوده حڪومت کي پنهنجو آئيني مدو پورو ڪرڻ گهرجي، ڌانڌلي جون شڪايتون سڀني کي آهن پر سڀني چونڊن بعد نتيجا تسليم ڪيا، ميڊيا به قوم تي رحم ڪندي ملڪ کي وڌيڪ بحرانن ۾ مبتلا ٿيڻ کان بچائي. اي اين پي جي سينيٽر شاهي سيد چيو ته اسان نواز شريف جي حڪومت نه نظام بچائڻ چاهيون ٿا، نواز شريف (ن) ليگ جو نه 18 ڪروڙ عوام جو وزيراعظم آهي، پاڪستان جا تمام ادارا آئين تحت ان جي تابع آهن، وزيراعظم به تمام ادارن جي وقار کي بچائڻ جو ذميدار آهي، هن چيو ته پارليامينٽ ٻاهران ڌرڻو بغاوت آهي، گهرو وزير سينيٽ سان جيڪو رويو ڏيڍ سال کان رکيو اهو به مذمت جوڳو آهي، جيڪڏهن ماڊل ٽائون جو مسئلو نه ٿئي ته شايد ڌرڻو به نه ٿئي ها. هن چيو ته عمران خان نيازي کي شهيد ٿيڻ کان بچايو وڃي ڇو ته هو جمهوريت تي يقين رکي ٿو، سمورين پارلياماني پارٽين جي ڪميٽي بڻائي وٽس موڪلي وڃي جيڪا کيس ڌرڻو ختم ڪرڻ تي راضي ڪري، ڪراچي آپريشن، ترقياتي منصوبا ۽ ريلوي جي بهتري حڪومت جا چڱا ڪارناما آهن، چوڌري نثار جي واتان درگزر ڪرڻ جو لفظ ڪڍڻ به قابل واکاڻ آهي، سياستدان وي آءِ پي ڪلچر ختم ڪن، ملڪن کي ايٽم بم نه آئين ۽ قانون جي عملداري بچائي ٿي، شيري مزاري جو قادري خلاف ڪالم ۽ جاويد هاشمي جي سچائي ڌرڻي جو غير ملڪي ايجنڊو وائکو ڪري ڇڏيو آهي، ڌانڌلي جون دانهون ڪندڙ پاڻ ڌانڌلي جي پيداوار آهن، ڏهاڙي وارن کي آڻي ڌانڌلي جو لڙ ڪيو پيو وڃي، ڌانڌلي ته اي اين پي خلاف ٿي جيڪا لاش کڻي کڻي ٿڪجي پئي ۽ جيڪا چونڊ مهم ئي نه هلائي سگهي. سينيٽر محسن لغاري چيو ته شاهي سيد جي جذباتي تقرير ايوان ۾ ماحول پيدا ڪري ڇڏيو آهي ان جي ڳالهين جي تائيد ڪرڻ بغير نٿو رهي سگهجي. هن چيو ته جمهوريت جي مضبوطي لاءِ مڪاني نظام جي بحالي ضروري آهي، ڌرڻي سبب گهر گهر جمهوريت ڊليور ڪرڻ تي سوال اٿاريو پيو وڃي، پارليامينٽ ميمبرن کي جواب ڏيڻ جو اجلاس پيدا ڪرڻو پوندو، جواب ڏيڻ جو احساس جمهوريت جو حسن آهي پر حڪومتون چونڊجي پاڻ کي جواب ڏيڻ کان آجو سمجهن ٿيون ۽ تڪبر جو شڪار ٿي وڃن ٿيون. روين کي جمهوري بڻائڻ جي ضرورت آهي، تنقيد برداشت ڪرڻ جي طاقت اصل جمهوريت آهي، وزير سڳورن جي زبان نرم نه هئي سندن روين ۾ شائستگي يا برداشت نظر ناهي آئي، ان ڪري ڳالهين ۾ ڊيڊ لاڪ پيدا ٿيو آهي، دنيا ۾ ڪٿي مڪاني نظام بغير جمهوريت جو تصور ناهي. ٻنهي وڏين پارٽين ميثاق جمهوريت ۾ ٽن مهينن اندر مڪاني چونڊون ڪرائڻ جو واعدو ڪيو هو. پي ٽي آءِ جي باغي قومي اسيمبلي ميمبر گلزار خان چيو ته  پارليامينٽ ۾ وزير اعظم يا حڪومت کي بچائڻ لاءِ نه پر پنهنجي تحفظ ۽ آئين جي سربلندي لاءِ گڏ ٿيا آهيون، پارليامينٽ جي اتحاد غير جمهوري قوتن کي سياسي طور اڪيلو ڪري ڇڏيو آهي پر پوءِ اسان کي جمهوري قدرن کي اختيار ڪرڻو پوندو ۽ سڀني کي موقعا ڏيڻا پوندا. هن چيو ته اتروزيرستان جي متاثرن ۽ ٻوڏ سٽيلن جي امداد ڪرڻي پوندي ۽ سندن مسئلن جي حل لاءِ ڌيان ڏيڻو پوندو. هن چيو ته حڪومت ۽ انتظاميه ڌرڻن سان منهن ڏيڻ لاءِ سٺي حڪمت عملي اختيار ناهي ڪئي، انتظامي قدمن سان منهن ڏئي سگهجي پيو.

 

هن وقت تائين 1000 دهشتگردن کي انهن جي آخري انجام تي پهچايو ويو آهي: آءِ ايس پي آر

راولپنڊي (م.ڊ) پاڪ فوج جي ترجisprمان ميجر جنرل عاصم سليم باجوه سماجي رابطن واري ويب سائيٽ ٽوئيٽر تي پنهنجي بيان ۾ چيو ته دته خيل ۾ وڏي انگ ۾ لڪيل دهشتگردن کي ڪاميابي سان نشانو بڻائي رهيا آهيون، دهشتگردن خلاف هوائي فوج ۽ آرمي جون هوائي ڪارروايون ڀرپور نموني سان جاري آهن. ڊي جي آءِ ايس پي آر وڌيڪ چيو ته تمام جلد ملڪ دشمن دهشتگردن تي ڪنٽرول حاصل ڪري وٺنداسين. واضح رهي ته اتروزيرستان ۾ دهشتگردن خلاف جاري آپريشن کي ٽن مهينن کان وڌيڪ جو عرصو گذري چڪو آهي، ڪراچي ۾ ۱۱ جون تي جناح انٽرنيشنل ايئرپورٽ تي حملي کانپوءِ پاڪ فوج 15 جون تي اتروزيرستان ۾ “ضرب عضب” نالي سان وڏو آپريشن شروع ڪيو جيڪو ڪاميابي سان جاري آهي، هن وقت تائين جي ڪارروائين ۾ 1000 کان وڌيڪ دهشتگردن کي انهن جي آخري انجام تي پهچايو ويو آهي جڏهن ته دهشتگردن جي ڪيترن ئي هٿيارن جي ڊپو ۽ ٺڪاڻن کي به تباهه ڪيو ويو آهي.

 

ڪراچي ۾ رتو ڇاڻ جاري، سياسي پارٽي جي ڪارڪنن سميت ۷ ڄڻا قتل

ڪراچي (اKarachi-Target-Killing-Claims-5-more-livesسٽاف رپورٽر) ڪراچي ۾ فائرنگ ۽ پرتشدد واقعن ۾ سياسي پارٽي جي ڪارڪن سميت ۷ ڄڻا مارجي ويا. پوليس موجب ڪراچي جي علائقي سرجاڻي ٽائون سيڪٽر ۷ ڊي ۾ سياسي پارٽي جي دفتر تي فائرنگ سان ۳ ڄڻا مارجي ويا. سرجاڻي ٽائون سيڪٽر ۷ ڊي ۾ مذهبي سياسي پارٽي جي دفتر تي اڻڄاتل هٿياربندن جي فائرنگ سان ۳ ڄڻا سخت زخمي ٿي پيا جن کي فوري طور تي نجي اسپتال پهچايو ويو جتي علاج دوران هڪٻئي پٺيان ٽئي ڄڻا فوت ٿي ويا. هٿياربند واقعي واري هنڌتان فرار ٿيڻ ۾ ڪامياب ٿي ويا، قبول ٽائون ۾ شفيق موڙ تي فائرنگ سان هڪ ڄڻو مارجي ويو. پيرآباد سيڪٽر ۴ ۽ ڪلري نيازي چوڪ تي به فائرنگ جو واقعو پيش آيو جنهن جي نتيجي ۾ ۲ ڄڻا مارجي ويا جن جي سڃاڻپ رياض ۽ نيازي جي نالن سان ٿي. ان کان اڳ خميس جي صبح گلشن اقبال ۾ اڻڄاتل هٿياربندن جي فائرنگ سان ڪراچي يونيورسٽي جي اسلامڪ اسٽڊيز شعبي جو پروفيسر ڊاڪٽر محمد شڪيل اوج مارجي ويو هو.

 

علي ظفر جي نئين ايڪشن رومينٽڪ فلم ڪل دل جو پهريو ٽريلر جاري

ممبئي(Kill-Dil-parineeti-chopras-next-hottets-movies-to-come-in-2014-2015شوبز نيوز) پاڪ هنڌ راڪ اسٽار علي ظفر جي نئين ايڪشن ۽ رومينٽڪ فلم ڪل دل Kill Dil جو ٽريلر رليز ڪيو ويو آهي، پاڪستان  گلوڪار علي ظفر جو جادو هڪ ڀيرو ٻيهر بالي ووڊ تي ڇائنجي وڃڻ لاءِ تيار آهي، پرينيتي چوپڙا، رنوير سنگهه سان گڏ علي ظفر فلم ڪل دل ۾ ايڪشن ۾ نظر يندو، جڏهن ته فلم ۾ ولن جو ڪردار گوندا ادا ڪري رهيو آهي، فلم جي موسيقي شنگر احسان لوئي جي آهي،  فلم 14 نومبر تي رليز ٿيندي

 

عيدالاضحيٰ تي ڪيترين ئي نين پشتو فلمن جي نمائش جو امڪان

لاهور(شوبز نيوز)  عيدالاضحيٰ تي اردو ۽ پنجابي فلمن بدران نين پشتو فلمن جي نمائش جو امڪانآهي. تفصيل مطابق عيدالاضحيٰ تي اداڪار شاهد خان، ارباز خان، عجب گل ۽ جهانگير جاني جي 4 مان 6 نين فلمن جي نمائش جو امڪان آهي. اداڪار ارباز خان ٻڌايو ته هن وقت پشتو فلمون فلم انڊسٽري کي سهارو ڏئي رهيون آهن جڏهن ته اردو ۽ پنجابي فلمون ٺاهيندڙ اڪثر فلمساز نيون فلمون نه پيا ٺاهين جنهن سبب فلمي صنعت بحران جو شڪار آهي