تازيون خبرون

Daily Archives: September 18, 2014

پارليامينٽ جو گڏيل اجلاس، وزيراعظم جي استعفيٰ جو مطالبو رد

اسلام آباد (بيورو) پارليمينٽ جي islamabad-national-assemblyگڏيل اجلاس ۾ ميمبرن وزيراعظم جي استعفيٰ جي مطالبي کي هڪ دفعو ٻيهر رد ڪندي چيو ته پارليمينٽ پنهنجي حقن جي دفاع لاءِ گڏيل قرارداد آڻي ڊي چوڪ ۾ اسان جون روايتون ۽ ڪلچر کي چچريو پيو وڃي عمران ان پنهنجي تقرير ۾ پاڪستان جي قيادت بابت شرڪ جوڳي زبان استعمال ڪري ٿو پارليمينٽ جو گڏيل اجلاس ۾ خميس تي به ملڪ جي موجوده سياسي صورتحال تي بحث ۾ به جاري رهي بحث ۾ حصو وٺندي سينيٽر سيد صالح شاهه چيو ته اپوزيشن جمهوريت لاءِ حڪومت جي پٺڀرائي ڪئي حڪومت موجوده صورتحال تي جهڙي طرح صبر ۽ تحمل جو مظاهرو ڪيو ان جو ماضي ۾ مثال نٿو ملي اسان جي اڳواڻن هن جمهوريت لاءِ وڏيون خدمتون ڪيون هن چيو ته ڊي چوڪ ۾ اسان جي روايتن ۽ ڪلچر کي چچريو پيو وڃي عمران خان بابت مولانا فضل الرحمان جيڪو خاڪو پيش ڪيو هو اهو هاڻي صحيح ثابت ٿي رهيو آهي لڳي ٿو ته پي ٽي آءِ جي آئين ۾ هوش تي جوش کي فوقيت ڏني وڃي ٿي عمران خان پنهنجي تقرير ۾ پاڪستان جي قيادت بابت شرم جوڳي زبان استعمال ڪري ٿي هن چيو ته هي ڌرڻو جمهوري يا سياسي نه آهي قومي اسيمبلي ۾ جماعت اسلامي جي پارليماني ليڊر صاحبزاده طارق الله مطالبو ڪيو ته حڪومت پوليس کي متبادل رهائش فراهم ڪري تعليمي ادارا کولرائي صاحبزاده طارق الله پوائٽ آف آرڊر تي چيو ته اسلام آباد جا ڪيترائي اسڪول هن وقت به پوليس جي رهائش جي ڪري بند آهن ان حوالي سان والدين احتجاج به ڪيو حڪومت پوليس کي متبادل رهائش ڏيئي انهن تعليمي ادارن کي کولي اسپيڪر چيو ته وفاقي وزير زاهد حامد هي معاملو نوٽ ڪري ورتو آهي موجوده سياسي صورتحال تي بحث تي حصو وٺندي عبدالرحيم مندوخيل چيو ته ميثاق جمهوريت جي ذريعي سمورين سياسي جماعتن هڪ سياسي ضابطئه اخلاق جوڙيو پارليمينٽ قربانيون ڏيئي جمهوريت کي مضبوط ڪيو آهي سڄي دنيا ۾ وزيراعظم کان اهڙي طرح استعفيٰ نٿي ورتي وڃي جهڙي طرح ڌرڻي وارا گهري رهيا آهن هن چيو ته فاٽا کي بنيادي حق نه پيا ڏنا وڃن پارليمينٽ پنهنجي حقن جي دفاع لاءِ گڏيل قرارداد آڻي رشيد گوڊيل اجلاس کي خطاب ڪندي چيو ته هٺڌرمي ۽ مان نه مڃان وارو رويو ئي اسان کي ٻوڙي ڇڏيندو رشيد گوڊيل چيو ته پاڪستان ۾ رهندڙ هر شخص جا حق هڪ جيترا آهن اسان به ايترائي پاڪستاني آهيون جيترو پنجاب ۽ سنڌ جو رهڻ وارو ڪراچي جي رستن تي 6 جنازه پيا هئا ڪوئي ڪلهو ڏيڻ وارو نه هو هن چيو ته ماڊل ٽائون سانهي جي ايف آءِ آر داخل نه ٿيڻ ئي مسئلي جو سبب آهي جيڪڏهن 17 تاريخ تي ايف آءِ آر ڪٽي وڃي ها ته 18 تي ڪوئي اسڪرپٽ نه هجي ها. بحث ۾ حصو وٺندي اياز سومرو چيو ته پارليمامينٽ آڏو جيڪو ڪجهه ٿي رهيو آهي هي سڀني جي سامهون آهي چونڊيل ميمبر وزيراعظم وزيرن لاءِ جيڪا زبان استعمال ٿي رهي آهي اها صحيح نه آهي، ظرف کانسواءِ سياست ممڪن نه آهي قومي ادارن تي حملا ڪيا پيا وڃن پي ٽي وي ۽ ميڊيا تي حملو ملڪ ۽ قوم تي حملو آهي جمهوريت، آئين، نظام جي خلاف سازش ڪئي پئي وڃي پيپلزپارٽي پنهنجي شهيد اڳواڻ جي زبان تي عمل ڪري نوازشريف جو ساٿ ڏيئي رهي آهي اليڪشن ۾ اسان به چئون ٿا ته ڌانڌلي ٿي پر جمهوريت خاطر اسان نتيجا تسليم ڪيا تحريڪ انصاف جو نائب صدر لاڙڪاڻو آيو اڳوڻي ڊپٽي اسپيڪر جو تعزيتي ريفرنس هو اتي به سياسي تقرير ڪئي ته لاڙڪاڻي جي ماڻهن شيم شيم چيو سنڌ جا ماڻهو ڪنهن جا مريد نه آهي اهي ڀٽي جا مريد آهن اسان جمهوريت آئين پاڪستان جي حقن ۾ آهيون پيپلزپارٽي نوازشريف کي استعفيٰ نه ڏيڻ ڏيندي هن چيو ته سنڌ جا ماڻهو اڄ سوال ڪري رهيا آهن ته جيڪڏهن اهو ئي ڌرڻو اسان ڪيون ها ته غدار چيون وڃون ها اسان کي خبر آهي ته اسان سڀ پاڪستان جي حق ۾ ٺهراءُ پيش ڪيو وزراعظم اٽڪ ۾ جيڪو بيان ڏنو اهو پوري پارليامينٽ جي زبان هئي ته 5 هزار جي چوڻ تي استعفيٰ نه ڏيندس. تحريڪ انصاف جي قومي اسيمبلي ميمبمر ناصر خٽڪ چيو ته چيني صدر کي پاڪستان دوري جي دعوت ڏيڻ لاءِ متفقه قرارداد منظور ڪئي وڃي جڏهن ته ان جو دورو ملتوي ٿيڻ سبب پيدا ڪندڙن جي خلاف مذمتي قرارداد به منظور ڪئي وڃي. پاڪستان مسلم ليگ جي اڳواڻ سنيٽر مشاهد الله خان پارليمان جي خصوصي اجلاس ۾ خطاب ڪندي چيو ته ڌرڻي جي اڳواڻن جو مقصد ملڪ جي معيشت کي تباهه ڪرڻ آهي هن چيو ته ڌرڻي جي ڪري چين جي صدر سميت ٽن ملڪن جي سربراهن پنهنجو دورو ملتوي ڪري ڇڏيو سينيٽر مشاهد اللهخ ان متعلق ڌرڻن سبب ملڪ کي هڪ هزار ارب رپين جو نقصان ٿي چڪو آهي هن الزام عائد ڪيو ته هي گريٽ گيم جو حصو بڻجي پاڪستان آيو آهي مشاهدالله چيو ته ملڪ جو هر ادارو جيڪڏهن پنهنجو پنهنجو ڪم ڪري ته مسئلا ختم ٿي سگهن ٿا.

 

پ پ چيئرمين بلاول ڀٽو زرداري جو سکر بئراج جو دورو، سنڌ حڪومت سمورا انتظام مڪمل ڪيا آهن: سيد قائم علي شاهه جي آگاهي

سکر (بيورو)
KHI18-15 copy2222222 چيئرمين پاڪستان پيپلز پارٽي بلاول ڀٽو زرداري سنڌ صوبي ۾ ٻوڏ جي صورتحال متعلق معلومات وٺڻ جي ڏس ۾ ڪالهه سکر پهتو. سنڌ جو وڏو وزير سنڌ سيد قائم علي شاهه، سينيئر صوبائي وزير تعليم نثار احمد کهڙو، صوبائي وزير ڄام مهتاب ڏهر، صوبائي وزير ايڪسائيز مڪيش ڪمار چاولا، صوبائي وزير زراعت علي نواز مهر ۽ ميمبر سنڌ اسيمبلي سيد اويس شاهه، خورشيد جوڻيجو، ناصر شاهه، ڄام اڪرام الله ڌاريجو، اسپيشل اسسٽنٽ سي ايم ڊاڪٽر ارشد مغل، لعل بخش منگي ۽ پارٽي اڳواڻ باري خان پتافي، عبدالسميع قاضي ۽ ٻين اڳواڻن ۽ ورڪرن سکر ايئرپورٽ تي آمد تي پيپلزپارٽي چيئرمين جو استقبال ڪيو. سکر پهچڻ بعد بلاول ڀٽو زرداري سنڌ جي وڏي وزير سيد قائم علي شاهه ۽ ٻين پارٽي اڳواڻن سان گڏ سکر ۽ روهڙي شهر جي وچ تي درياءَ سنڌ جي ڪپ تي واقع حضرت پير سيد صدرالدين شاهه بادشاهه جي مزار تي حاضري ڀري، صدرالدين شاهه بادشاهه جي مزار تي چادر چاڙهي فاتح خواني ڪئي ۽ قوم جي خوشحالي ۽ ترقي لاءِ دعا گهري. ان کانپوءِ چيئرمين پ پ پ سنڌ جي وڏي وزير سان گڏ سکر بئراج جو دورو ڪيو ۽ سيڪريٽري آپباشي بابر آفندي کان بريفنگ ورتي. چيئرمين پ پ پ کي نقشن ۽ تصويرن جي ذريعي سنڌ ۾ ٻوڏ جي موجوده صورتحال ۽ صوبائي حڪومت پاران ڪيل حڪمت عملي ۽ وڏي وزير سنڌ سيد قائم علي شاهه جي هدايتن تحت ٻوڏ کي منهن ڏيڻ جي لاءِ ورتل اپائن جي باري ۾ بريفنگ ڏني. سيڪريٽري آپباشي بريفنگ کي سهيڙيندي چيو ته مٿان کان پاڻي جي پريشر گهٽجڻ جي ڪري سنڌ اڃان تائين محفوظ پوزيشن ۾ آهي. هن چيو ته هن وقت گڊو بئراج وٽان 3 لک 52 هزار ڪيوسڪ پاڻي جو ريلو گذري رهيو آهي. جڏهن ته 4 لک 50 هزار ڪيوسڪ پاڻي جي وهڪري گذرڻ جو امڪان آهي. جڏهن ته هن وقت اسان جي سموري ٻوڏ کي منهن ڏيندڙ مشينري مين پاور ساڻ هر حساس هنڌ تي موجود آهي ۽ سنڌو درياءَ جا سمورا بند مٿي ڪيا ويا آهن ۽ ٻوڏ جي پريشر کي برداشت ڪرڻ لاءِ وڌيڪ مضبوط پڻ بڻايا ويا آهن. ان بعد پيپلزپارٽي چيئرمين سکر بيراج گهمي ڏٺي. ان موقعي تي ڳالهائيندي سنڌ جي وڏي وزير سيد قائم علي شاهه پ پ پ جي چيئرمين کي ٻڌايو ته بندن جي ڏينهن رات نگراني ڪئي پئي وڃي. هن ٻڌايو ته هو پاڻ سڄي صورتحال جي نگراني ڪري رهيو آهي. هن چيو ته بندن کي متوقع ٻوڏ جي پاڻيءَ کان بچاءَ لاءِ وڌيڪ مضبوط ڪيو ويو آهي ۽ ٻوڏ سان متاثر ٿيندڙ ڪچي جي ماڻهن لاءِ رليف ۽ ريسڪيو جو ڪم ترجيحي بنيادن تي جاري آهي. هن چيو ته کاڌي، پيتي ۽ ٻيو ضرورت جو سامان پڻ انهن جڳهن تي موجود ڪيو ويو آهي. سيڪريٽري آپباشي جائزي دوران چيئرمين پ پ پ کي سکر بئراج جي مضبوطي انهيءَ جي دروازن ۽ ٻوڏ جي پاڻي جي دوران پوزيشن جي باري ۾ بريفنگ ڏني. هن اهو پڻ ٻڌايو ته 2010 جي مها ٻوڏ دوران سکر بئراج کان 12 لک ڪيوسڪس کان وڌيڪ پاڻي گذري چڪو آهي ۽ پاڻي جي پريشر کي برداشت ڪرڻ جي لاءِ اها ڪافي مضبوط هئي. چيئرمين پ پ پ ٽرالي دوري دوران ٽرالي جي پائليٽ سان پاڻ هلي وڃي مليو ۽ سندس همٿ افزائي ڪئي. هن پائليٽ کي چيو ته هن کيس مختصر پر هڪ معلوماتي سفر ڪرايو آهي. انهيءَ کان اڳ چيئرمين پ پ پ سکر بئراج تي آمد دوران ماڻهن، پارٽي اڳواڻن ۽ ورڪرن سان ڀاڪر پائي مليو ۽ سندن ڪافي همٿ افزائي ڪئي.

 

سنڌ جو ورهاڱو ڪنهن به صورت ۾قبول ناهي: شرجيل ميمڻ

ڪراچي (اسٽاف رپورٽر) سنڌ جي سڌسماءَ جي صوبائي وزيرSharjeel Memon شرجيل ميمڻ چيو آهي ته سنڌ جو ورهاڱو ڪنهن به صورت ۾ قبول ناهي، بلاول ڀٽو زرداري پاڪستاني شهري آهي جيڪو ملڪ ۾ ويهي سياست ڪري رهيو آهي. شرجيل ميمڻ هڪ بيان ۾ چيو ته بلاول ڀٽو زرداري ملڪ جي سڀ کان وڏي سياسي پارٽي جو اڳواڻ آهي. ڀٽو خاندان جمهوريت ۽ عوام لاءِ جانين جا نذرانا ڏنا آهن، هن چيو ته سڀني سياسي پارٽين جو اهو فرض آهي ته اهي ٻين پارٽين جي اڳواڻن جي عزت ڪن، غلط ڳالهه جو غلطزبان سان جواب نه ڏيڻ گهرجي. سنڌ جي ورهاست ڪنهن به صورت ۾ قبول ناهي. هن وڌيڪ چيو ته سنڌ جو غيرتمند عوام صوبي جي ورهاست کي قبول نه ڪندو، ڪجهه ماڻهن کي سنڌ جي عوام جي محبت پسند ناهي.

 

شرجيل ميمڻ تجويز کي تعصب جي عينڪ لاهي سمجهي: خواجه اظهارالحسن

izharul-haqڪراچي (اسٽاف رپورٽر) ايم ڪيو ايم جي اڳواڻ خواجه اظهارالحسن چيو آهي ته شرجيل ميمڻ الطاف حسين جي تجويز تعصب جي عينڪ لاهي سمجهڻ جي ڪوشش ڪري شرجيل انعام ميمڻ جي بيان تي پنهنجي رد عمل خواجه اظهارالحسن جو چوڻ هو ته الطاف حسين سنڌ جي ورهاڱي جي نه پر وڌندڙ آبادي سبب نوان صوبا ٺاهڻ جي تجويز ڏني اهي ملڪ جي مفاد ۾ فيصلن جي اهميت کي سمجهيو وڃي خواجه اظهارلحسن جو چوڻ هو ته اهڙن بيانن سان شهري ۽ ٻهراڙي علائقن ۾ فرق نه ڪيو وڃي پاڪستان جو عوام پنهنجي مرضي جو مالڪ آهي ان تي پنهنجي مرضي نه مڙهي وڃي خواجه اظهارالحسن چيو ته پ پ  ڏکڻ پنجاب ۽ سرائيڪي صوبن جي قرارداد وانگر حمايت ڪندي.

 

اهڙو ڪو ماءُ جو پٽ پيدا ئي ناهي ٿيو جيڪو سنڌ کي ورهائي سگهي: اياز سومرو

14533_Muhammad_Ayaz_Soomro_HD_wallpaper_Pic

 

اسلام آباد(بيورو) پارليامينٽ جي گڏيل اجلاس ۾ ايم ڪيو ايم جي ميمبر رشيد گوڊيل تقرير جو موقعو نه ڏيڻ تي بائڪاٽ جي ڌمڪي ڏئي ڇڏي، اسپيڪر ايازصادق جو چوڻ آهي ته هو ان رويي تي الطاف حسين سان ڳالهائيندو، سينيٽر صالحشاهه چيو آهي تهعمران خان جهڙي طرح جي زبان استعمال ڪري رهيو آهي ان تي کين شرم ٿو اچي،رشيد گوڊيل چيو آهي ته ملڪ ۾ وڌيڪ نوان صوبا ٺاهيا وڃن، اياز سومري چيو آهي ته اهڙو ڪو ماءُ جو پٽ پيدا ئي ناهي ٿيو جيڪو سنڌ کي ورهائي سگهي، سنڌ هڪ هئي آهي ۽ رهندي. اسپيڪر اياز صادق جي صدارت هيٺ پارليامينٽ جي گڏيل اجلاس ۾ خطاب ڪندي سينيٽر صالح شاهه چيو ته هو عمران خان ۽ طاهرالقادري خلاف غلط زبان استعمال نه ڪندو پر جهڙي زبان هو استعمال ڪري رهيا آهن ان تي کين شرم ٿو اچي. هن چيو ته سمورين سياسي قوتن متحد ٿي جمهوريت کي بچائي ورتو آهي ان جي تعريف ڪرڻ لاءِ هن وٽ لفظ ناهن. سينيٽر عبدالرحيم مندوخيل ڳالهائيندي چيو ته وزيراعظم کان استعفيٰ وارو مطالبو ٻاراڻو آهي، عوام جي چونڊيل وزيراعظم کي ڪنهن به صورت ۾ استعفيٰ نه ڏيڻ گهرجي. اجلاس ۾ ايم ڪيو ايم جو ميمبر رشيد گوڊيل تقرير لاءِ اٿي بيٺو اسپيڪر کيس ويهڻ لاءِ چيو ۽ چيو ته ايم ڪيو ايم جا ٻه ميمبر ڳالهائي چڪا آهن اڄ ٻين ميمبرن جو وارو آهي پر رشيد گوڊيل نه مڙيو، هن ڌمڪي ڏني ته کيس ڳالهائڻ نه ڏنو ويو ته ايوان مان واڪ آئوٽ ڪري ويندو، جنهن تي اسپيڪر اياز صادق چيو ته هو اهڙي رويي تي الطاف حسين سان پاڻ ڳالهائيندو. اسپيڪر جي اجازت تي رشيد گوڊيل تقرير ڪندي هڪ دفعو ٻيهر نون صوبن جي ڳالهه ڪئي ۽ چيو ته پاڪستان جي آبادي 20 ڪروڙ آهي 20 صوبا ٺاهيا وڃن، نوان صوبا ٺهڻ سان ملڪ ٽٽندو نه پر وڌيڪ ترقي ڪندو. هن چيو ته کين دهشتگرد، ڀتا خور ۽ ٽارگيٽ ڪلر چيو وڃي ٿو، هنن جي مخالفت اهي ڪري رهيا آهن جيڪي جاگيرداراڻي نظام جا حامي آهن، هو به ايترائي پاڪستاني آهن جيترا ٻيا آهن. پيپلز پارٽي جي اڳواڻ اياز سومري ڳالهائيندي چيو ته سنڌ جي عوام ڪڏهن به صبر جو دامن هٿ مان نه ڇڏيو آهي، جنهن سياستدان وٽ ظرف ناهي ان کي سياست نه ڪرڻ گهرجي، سنڌ جا ماڻهو ڪنهن ٻئي جا نه پر شهيد ذوالفقار علي ڀٽو ۽ شهيد بينظير ڀٽو جا مريد آهن. هن چيو ته ڪوبه ماءُ جو پٽ سنڌ کي نه ٿو ورهائي سگهي، اهڙو ڪو ماءُ جو پٽ پيدا ئي ناهي ٿيو جيڪو سنڌ کي ورهائي سگهي، سنڌ صوفين ۽ محبتي ماڻهن جي ڌرتي آهي، سنڌ قائم هئي قائم آهي ۽ قائم رهندي. هن چيو ته سنڌ جو هڪ ڀوتار ڏکي وقت ۾ مسلم ليگ ن کي ڇڏي ويو آهي جنهن کي شاهه محمود قريشي چئي آيو آهي ته هن کي چئي آيو آهي ته هو سندن پارٽي ۾ شامل ٿئي ته کيس تحريڪ انصاف جو صدر ڪيو ويندو، پيپلز پارٽي وزيراعظم سان گڏ آهي، هو جمهوريت تي ڪابه آنچ اچڻ نه ڏيندا.. سيينٽر مشاهد الله ڳالهائيندي چيو ته لنڊن ۾ عمران خان ۽ طاهرالقادري گڏجي حڪومت خلاف سازش تيار ڪئي ان موقعي تي ڪجهه اينڪر پرسن به موجود هئا پر انهن جي سازش ناڪام ٿي چڪي آهي. هن چيو ته طاقت جي زور تي اجتماعي شعور کي ختم نه ٿي ڪري سگهي، جنهن کي ڦاهي ڏني وئي ان جي پارٽي اڄ به ايوان ۾ موجود آهي جنهن کي شهيد ڪيو ويو ان جي پارٽي به عوام ۾ مقبول ۽ ايوان ۾ موجود آهي جنهن کي جلاوطن ڪيو ويو اهو اڄ ٽيون ڀيرو وزيراعظم آهي ان جو مطلب ته آمر هر دور ۾ ناڪام ٿيا آهن. هن چيو ته عمران خان ۽ طاهرالقادري گذريل هڪ مهيني جيتريون گاريون پارليامينٽ ۽ جهموريت کي ڏنيون آهن دل چوي ٿي ته هو ان کان 10 ڀيرا وڌيڪ کين گاريون ڏئي، هنن جيتريون به گاريون ڏنيون آهن اهي ضرب ڪري کين ئي واپس ڪجن ٿيون اهي هو پاڻ ۾ ورهائي کڻن. بعد ۾ اسپيڪر اياز صادق پارليامينٽ جو گيڏل اجلاس سڀاڻي صبح جو ساڍي 10 هين وڳي تائين ملتوي ڪري ڇڏيو.

 

 

ٻوڏ جو پاڻي سنڌو درياهه ۾ داخل، ڪچو ٻڏي ويو، لڏپلاڻ جاري

ڪشمور (م.ڊ) چناب د9027665696631f0559b158c9d4e19f69رياهه جو سيلابي ريلو سنڌ ۾ داخل ٿيڻ بعد گڊو بئراج  ۾ پاڻي جي سطح لڳاتار وڌڻ لڳي، ٻوڏ جي پاڻي سان ڪشمور جا ڪچي وارا علائقا ٻڏي ويا، خيرپور ۾ ديهه موهل، ڀنڀور خورم، دريا خان ڍنڍ، صادق ڪلهوڙو ۽ ٻين هنڌن تي پاڻي جو زور وڌي ويو. قادرپور لوپ بند جي آس پاس وارا 10 کان وڌيڪ ڳوٺ پاڻي هيٺ اچي ويا. ڊپٽي ڪمشنر موجب 30 کان وڌيڪ ٻيڙين ذريعي ڪچي جي متاثر علائقن مان ماڻهن کي محفوظ هنڌن تي پهچايو پيو وڃي. جيڪب آباد ۾ ٽوڙي بند ۽ نوابشاهه ۾ طوطي زرداري ڳوٺ جي هنڌ تي متاثرن لاءِ رليف ڪئمپ قائم ڪيا ويا آهن. هوڏانهن پنجاب جي ٻوڏ متاثر علائقن ۾ چناب درياهه ۾ پاڻي جو مقدار ته گهٽ ٿي ويو پر نقصان اڃابه جاري آهن. رحيم يارخان ۾ نور والا  جي هنڌ تي زميندارا بند ٽٽڻ سان ابراهيم وسندي جا ڪيترائي ڳوٺ پاڻي ۾ ٻڏي ويا، هيڊپنجند تي پاڻي جو دٻاءُ گهٽجي ۳ لک ڪيوسڪ تي پهتو آهي. سيلابي پاڻي اوچ شريف جي 20 ننڍن وسندين ۽ 70 ڳوٺن ۾ وڏي تباهي مچائي.

 

رنبير ڪپور منهنجي زندگيءَ ۾ تمام گھڻي اهميت رکي ٿو:ڪترينه ڪيف

ممبئيzara sheikh images 22 (شوبز نيوز) بالي ووڊ اداڪارا ڪترينا ڪيف ۽ اداڪار رنبير ڪپور وچ ۾ ويجھڙايون هونئن ته هر زبان تي آهن، پر ڪيترن ئي سالن جي خاموشيءَ کان پوءِ آخرڪار ڪترينا رنبير ڪپور کي پنهنجي زندگيءَ جو اهم حصو قرار ڏئي ڇڏيو آهي. ڀارتي اخبار کي ڏنل تازي انٽرويوءَ ۾ ڪترينا ڪيف چيو ته رنبير ڪپور منهنجي زندگيءَ ۾ تمام گھڻي اهميت رکي ٿو، پر ان باوجود اسان شادي نه پيا ڪيون، نه ئي مون ان بابت ڪجھه سوچيو آهي. هڪ فلمي شخصيت هجڻ سان گڏوگڏ مان هڪ انسان به آهيان، جنهن جا ڪيترائي ذاتي مامرا هوندا آهن. هن چيو ته ميڊيا کي اسان جي ذاتي زندگيءَ ۾ دخل ڏيڻ جو ڪو حق ناهي. ياد رهي ته گذريل 4 سالن کان ڪترينا ڪيف ۽ رنبير ڪپور وچ ۾ ويجھا تعلقات رهيا آهن ۽ ان دوران ٻنهي ستارن کي يورپ جي سامونڊي ڪناري واري پٽيءَ تي گڏ گھمندي ڏٺو ويو هو، جنهن جو ڪيتريون تصويرون پڻ ڇپجي چڪيون آهن.

 

اداڪارا نور آمريڪا ۾ پرفارم ڪرڻ کان پوءِ ڏيهه پهچي وئي

لاهور (شوبز نيوز) پاڪستاني فلمن ۽ اسٽيج اداڪارا نور آمريڪا ۾ پرفارم ڪرڻ کان پوءِ ڏيهه پهچي وئي آهي، اداڪارا هڪ مهينو اڳ آمريڪا رواني ٿي هئي جتي هن آمريڪا جي مختلفرياستن ۾ پرفارم ڪيو. آمريڪا جي مخلتف رياستن ۾ رهندڙ پاڪستانين سميت مقامي شهرين به نور جي شوز ۾ حصو ورتو، صحافين سان ڳالهائيندي اداڪارا نور چيو ته آمريڪي دورو ثقافتي هو جنهن دوران گھمڻ ڦرڻ جو به موقعو مليو، ان سان گڏوگڏ اتي موجود پاڪستانين ۽ اتان جي رهاڪن تمام گھڻو پيار ڏنو جيڪو وسارڻ جهڙو ناهي، هن چيو ته پرڏيهي دوري ۾ اسان پنهنجي ثقافتي ڪلچر کي اڀارڻ ويندا آهيون. ٻاهرين ملڪن ۾ اسان پاڪستان جا سفير بڻجي ويندا آهيون.

 

چيمپينز ليگ ٽي – ٽوئنٽي، لاهور لائنز جي ٽيم مين رائونڊ ۾ پنهنجي وئي

نئين دهلي (اسپورٽس نيوز) پاڪستاني چيمپين لاهور جي ٽيم چيمپينز ليگ ٽي – 20 ڪرڪيٽ ٽورنامينٽ جي مين رائونڊ ۾ پنهنجي پهرين ميچ 21 سيپٽمبر تي ڪلڪتا نائيٽ رائيڊر خلاف کيڏندي. چيمپينز ليگ ٽي – 20 جي تاريخ ۾ لاهور لائنز مين رائونڊ تائين پهچي پهرين پاڪستاني ٽيم ٿيڻ جو اعزاز حاصل ڪيو. ان کان پهرين پاڪستاني چيمپين فيصل آباد کي ٻه ڀيرا ليگ ۾ شرڪت جو موقعو مليو. ان کان علاوه ڪواليفائنگ رائونڊ ۾ ٻئي ميچون هارڻ ڪري ايونٽ مان ٻاهر ٿي، پر  هن ڀير لاهور لائنز کي گروپ اي ۾ ڪولڪتا نائيٽ رائيڊرز،. چنائي سپر ڪنگز، پرٿ اسڪارچرز، ڊولفنز سان گڏ گروپ اي م رکيو ويو آهي ۽ 21 سيپٽمبر تي ڪولڪتا نائيٽ رائيڊرز جي خلاف ميچ کان مهم جي شروعات ڪندي. لاهور لائنز ايونٽ ۾ پنهنجي ٻي ميچ 25 سيپٽمبر تي چنائي سپر ڪنگز، 30 سيپٽمبر تي پرٿ اسڪارچرز جي خلارف کيڏندي، ايونٽ جو سيمي فائنل 2 آڪٽوبر جڏهن ته فائنل ميچ 4 آڪٽوبر تي کيڏي ويندي.

 

پي سي بي طرفان بالرن جي غير قانوني ايڪشن تي نظر رکڻ لاءِ آسٽريليا مان سافٽ ويئر خريد ڪيو ويندو

اسلام آباد(اسپورٽس نيوز)  پاڪستان ڪرڪيٽ بورڊ (پي سي بي) جي ڊوميسٽڪ ڪرڪيٽ جي هيڊ انتخاب عالم چيو آهي بورڊ طرفان بالرن جي غير قانوني ايڪشن تي نظر رکڻ لاءِ آسٽريليا مان سافٽ ويئر خريد ڪيو ويندو جنهن تحت انٽرنيشنل ڪرڪيٽ ڪائونسل( آءِ سي سي) طرفان بالرن کي 15 ڊگري ايلبو جي توسيعي حد عبور ڪرڻ واري عمل جو پتو لڳايو ويندو. انتخاب عالم چيو ته لاهور جي قومي ڪرڪيٽ اڪيڊمي ۾ 22 هاءِ اسپيڊ ڪئميرائن ۽ لاڳاپيل سافٽ ويئرز واري بايو ميڪنڪس ليباريٽري قائم ڪرڻ سان گڏوگڏ پي سي بي طرفان بالرن جي غير قانوني ايڪشن تي نظر رکڻ لاءِ آسٽريليا مان هڪ سافٽ ويئر پڻ گهرايو ويندو.